اسلام آباد۔15اکتوبر(اے پی پی) د شنګھائي مرستې تنظيم سرمشريزه غونډه كښې ګډون لپاره د بېلاروس وزيراعظم رومان ګولوف چینکو د نهې په ورځ اسلام آباد ته راورسېد۔ په نور خان ائیربېس د قانون او انصاف وفاقي وزير سېنېټر اعظم نذیر تارړ او نورو سول او پوځي چارواكو د هغه رېډ کارپټ هركلے وكړو۔ په دې موقعه روايتي جامې اغوستې ماشومانو ګران مېلما ته ګلدستې وړاندې كړې۔ د دواړو لارښودو ترمينځه د خېر سګالۍ كلماتو څرګندونه هم وشوه۔ د بېلاروس وزیراعظم سره د اعلی كچې پلاوې هم راغلے دے۔ دا خبره دې ښكاره وي چې د ګډون كوؤنكو هېودونو استازي وړاندې څخه د اېس سي او سرمشريزه غونډه كښې ګډون كولو له رارسېدل پېل شوي دي۔ په كنفرنس كښې د ګډون كوؤنكو ګرانو مېلمنو هركلي له ټول ښار رنګا رنګ رڼاګانو ٬ ګلانو او د اېس سي او غړو هېوادونو بېرغونو سره سينګار كړے شوے دے۔ وزیراعظم شهباز شريف به د اېس سي او سرمشريزې غونډې مشري كوي
