اسلام آباد 09 دسمبر (اے پي پي) وزیراعظم محمد شهباز شریف د سوريه څخه هېواد ته راستنيدلو خواهش لرونكو پاکستانیانو محفوظ انخلاء باوري كولو لپاره زر تر زره د تګلاري جوړولو سپارښتنه كړې ده۔د ګل په ورځ د وزیراعظم محمد شهباز شریف په مشرۍ كښې د سوريه په موجوده صورتحال كښې د پاکستانیانو د انخلاء په اړه غونډه وشوه۔د وزیراعظم آفس میډیا ونګ د اړخه جاري شوې بيان له مخې وزیراعظم د سوريه څخه هېواد ته رستنيدلو خواهش لرونكو پاکستانیانو د ګاونډي هېوادونو د لارې زر تر زره د محفوظ انخلاء باوري كولو لپاره د تګلاري جوړولو سپارښتنه وكړه۔ده امر وكړو چې سوريه كښې د مېشته پاکستانیانو محفوظ انخلاء باوري كولو له دې ګامونه پورته كړې شي۔ده ووئيل سوريه كښې د مېشته پاکستانیانو د مال او ځان حفاظت ته خاص پام لرنه كوو،دې مقصد لپاره به ټول وسائل كارولې شي۔وزیراعظم په دمشق كښې د پاکستان سفارتخانې ته معلوماتی ډیسك او پاکستانیانو سره د رابكي لپاره هیلپ لائن جوړولو سپارښتنه وكړه۔ده امر وكړو چې د امن و امان صورتحال تر ښه كيدو دې د خارجه دفتر کرائسز مینجمنټ یونټ او سوريه او د هغې ګاونډي هېوادونو كښې د پاکستان سفارتخانو كښې معلوماتی ډیسك 24 ساعته فعاله وساتلے شي۔ ملاقات كښې نائب وزیراعظم محمد اسحاق ډار، د دفاع وزير خواجه محمد آصف، د اقتصادی چارو وزير احد چیمه، د اطلاعاتو او خپرونو وزير عطا الله تارړ، خاص مرستيال طارق فاطمی او د اړوندو ادارو اعلیٰ افسرانو ګډون وكړو۔
