اسلام آباد۔12دسمبر(اے پی پی) وزيراعظم شهباز شريف د اوورسیز انويسټرز چیمبر آف کامرس اینډ انډسټری (او آئي سي سي آئي) په اوسني رپورټ د اطمينان څرګندونه كولو سره وئيلي دي دا رپورټ په نړيواله كچه سرمايه كارو لپاره يو مثبت پېغام او د دې خبرې عكاس دے چې پاكستان سرمایه کارۍ لپاره د باور وړ مقام دے۔ د زيارت په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم شهباز شريف ووئيل په رپورټ كښې وئيلې شوي چې د بهرنو سرمايه كارو په پاكستان باور زيات شوے٬ په هېواد كښې د كاروبار په چاپېريال كښې ښه والے رامخې ته شوے او د پاكستان په اړه نړيوال سوچ منفي 10 فيصد څخه په راوتلو 31 فيصد مثبت ته رارسېدلے دے كومه چې خوشبينه خبره ده۔ د رپورټ له مخې په پاكستان كښې د روزګار موقعې زياتې شوي دي۔ د پاکستان د مېنوفېکچرنګ سېکټر ګروتھ 2 فیصد څخه 6 فيصد ته راغلے او د سروسز سېکټر ګروتھ 7 فیصد څخه په زياتېدو 30 فیصد شوے كومه چې يوه ښكاره كاميابي ده۔ په رپورټ كښې وئيلې شوي د سیمنټ ، آټو سېکټر، فرټیلائزرز او پټرولیم مصنوعات په خرڅ كښې ښكاره زياتوالے ليدلے شوے۔ وزیراعظم د رپورټ نتېجې په نړيواله كچه سرمايه كارو لپاره يو مثبت پېغام ګرځولو سره ووئيل دا رپورټ د دې خبرې عكاسي كوي چې پاكستان سرمايه كارۍ لپاره د باور وړ مقام دے۔ وزیراعظم ووئيل د تېرو څو مياشتو په مهال د بهرنيو سرمايه كارو د باور او د برآمدات او ريكارډ ترسيلات له امله د هېواد د زر مبادله پنګو كښې زياتوالے راغلے ۔ وزیراعظم اولس ته ريليف وركول د حكومت پام لرنه ګرځولو سره ووئيل د حكومت د غوره معاشي پالېسيو او د معاشي ډلې خوارۍ مېوې ترلاسه كېدل پېل شوي دي۔
