اسلام آباد۔25دسمبر(اے پی پی) داخله چارو وفاقي وزير محسن نقوي سره د ویټیکن سټی سفیر آرچ بشپ ګرمانو پینموټ ملاقات وكړو او ده سره يۍ د شريكې خوښې په چارو د خيالاتو څرګندونه وكړه۔ داخله وزير سفير ته د كرسمس مباركي وركولو سره پوپ فرانسس او مسیحی ورورولۍ لپاره د نېكو هيلو څرګندونه وكړه۔ دې ځاے څخه د جاري شوي هېنډ آؤټ له مخې په ملاقات كښې د شريكې خوښې په چارو او دوه اړخيزه اړيكو د خيالاتو څرګندونه وشوه۔ په دې موقعه د داخله وزير د ویټیکن سټی دورې په اړه هم خبرې وشوې۔ داخله وزير سفير ته د كرسمس مباركي وركولو سره پوپ فرانسس او مسیحی ورورولۍ لپاره د نېكو هيلو څرګندونه وكړه۔ده ووئيل په ویټیکن سټی كښې پوپ فرانسس سره ملاقات په زړه پورې چاپېريال كښې شوے ؤ۔ محسن نقوی ووئيل د ویټیکن سټی دورې او پوپ فرانسس سره د ملاقات يادونه نن هم هغسې تازه دي۔ ده ووئيل د فلسطين مسئلې په اړه پوپ فرانسس كوټلې او زړه ور دريځ خپل كړو كوم چې هر يو ستائلے دے۔ وفاقي وزير ووئيل د ویټیکن سټی او پاکستان ترمينځه د اړيكو ښه كولو غوره موقعه ده۔ ده زياته كړه چې د پلاويو تبادلې سره به اړيكو كښې لا ښه والې رامخې ته شي۔
