اسلام آباد۔28فروری (اے پی پی) چیئرمین سینیٹ سید یوسف رضا گیلانی نال آئرلینڈ دی سفیر میری او ??یل جمعے کوں ملاقات کیتی اتے ݙوپاسہ تعلقات، تجارت، پارلیمانی رابطے، تعلیم، ثقافتی تبادلے اتے ماحولیات دے معاملیاں بارے ڳالھ مہاڑ کیتی۔ سینیٹ سیکرٹریٹ توں جاری اعلامیہ موجب آئرلینڈ دی سفیر نال ڳالھ مہاڑ کریندیں ہوئیں انہاں آکھیا جو پاکستان آئرلینڈ نال پارلیمانی، معاشی اتے سفارتی تعلقات ٻئے ودھاوݨ چاہندے۔ پاکستان اتے آئرلینڈ دے تعلقات سانجھے اقدار، عوامی رابطے اتے کثیر الجہتی تعاون تے مبنی ہن۔ پاکستان اتے آئرلینڈ عالمی امن، انسانی امداد اتے پائیدار ترقی دے سانجھے مقاصد رکھیندن، آئرلینڈ دی عالمی امن، انسانی امداد اتے پائیدار ترقی اچ خدمات قابل تحسین ہن۔چیئرمین سینیٹ پاکستان اتے آئرلینڈ وچال بجٹ اتے مالیاتی پالیسیاں تے تکنیکی تعاون ودھاوݨ تے زور ݙتا۔ چیئرمین سینیٹ سید یوسف رضا گیلانی آئرلینڈ دے پارلیمانی وفد کوں دورہ پاکستان دی دعوت ݙتی۔ انہاں آکھیا جو پاکستان آئرلینڈ نال پارلیمانی، معاشی اتے سفارتی تعلقات ٻئے ودھاوݨ چاہندے۔ پاکستان اتے آئرلینڈ دے تعلقات سانجھے اقدار، عوامی رابطے اتے کثیر الجہتی تعاون تے مبنی ہن۔ آئرلینڈ دی سفیر چیئرمین سینیٹ سید یوسف رضا گیلانی دے خیالات نال اتفاق کیتا۔ آئرلینڈ دی سفیر ݙوہیں ملکاں وچال سارے ممکنہ شعبیاں اچ تعاون ودھاوݨ دا عزم کیتا۔
.jpg)
