اسلام آباد 07 نومبر(اے پی پی) وزيراعظم محمد شهباز شريف به د نومبر په 11مه نيټه رياض كښې دويم شريك عرب اسلامي سر مشريزه كنفرنس كښې ګډون لپاره سعودي عرب ته ځي۔دا خبره د خارجه دفتر وياندې ممتازه زهره بلوچ د زيارت په ورځ پرېس بريفنګ كښې كړې۔ده ووئيل د مشرانو غونډې څخه وړاندې د نومبر په لسمه نېټه د خارجه وزيرانو كونسل غونډه كېږي٬نائب وزيراعظم او خارجه وزير سېنېټر محمد اسحاق ډار به د خارجه وزيرانو كونسل په غونډه كښې ګډون كوي۔وياندې ووئيل د مشرانو غونډې رابللو لپاره وړاندې والې د سعودي عرب حكومت كړے چې پكښې به د مينځني ختيز په صورتحال د خيالاتو څرګندونه كولې شي۔دا د غزه او نورو شخړيزو سيمو صورتحال په اړه د خيالاتو څرګندونې لپاره په رياض كښې د نومبر په 11مه نېټه 2023 د شوي شريك عرب اسلامي غېر معمولي سر مشريزه كنفرنس فالو اپ دے ۔ د هېوادونو مشرانو ٬ حكومتونو ٬ عرب ليګ او د او آئي سي غړو هېوادونو اعلٰی چارواكو مشرانو غونډه كښې ګډو متوقع دے۔د خارجه دفتر وياندې ووئيل وزيراعظم به د مشرانو غونډه كښې د فلسطين كاز لپاره د پاكستان د ملاتړ پخلے كوي٬هغه به په غزه كښې د نسل كشۍ سمدستي خاتمې٬سمدستي او غېر مشروط جنګ بندۍ او په منطقه كښې روان د اسرائيلي يرغل په سمدستي توګه د بندولو غوښتنه كوي كوم چې د مينځني ختيز هېوادونو سلامتيا په خطره كښې اچوي۔ده ووئيل پاكستان فلسطيني اولس ته نړيوال تحفظ وركولو او د 4 جون 1967 پولو تر مخه د فلسطين د يو آزاد رياست لپاره د كوم چې دارالحكومت القدس شريف وي په قيام به زورراوړي ۔وياندې ووئيل د مشرانو غونډې په موقع د وزيراعظم د عرب ليګ او او آئي سي نورو هېوادونو مشرانو لارښودو سره هم ملاقاتونه متوقع دي۔
