اسلام آباد۔25نومبر(اے پی پی) د قامي اسمبلۍ سپيكر سردار اياز صادق د مېرمنو په ضد د تشدد ختمولو نړيوالې ورځې په موقعه په خپل پېغام كښې وئيلي دي چې د مېرمنو په ضد د كوم هم ډول د تشدد كوم ګنجائش نشته او دا د انسانيت د بنيادي اصولو خلاف ورزي ده۔ ده ووئيل د يوې مهذبې او پرمختګ كړې ټولنې تشكيل لپاره مېرمنو ته مساوي حقونه او تحفظ وركول ضروري دي۔ سپیکر د مېرمنو سماجي ٬ معاشي او سياسي حېثيت غوره جورولو له د ټولو ممكنه ګامونو پورته كولو په حاجت زور راوړو۔ ده ووئيل د هېواد نيمې څخه زياته آبادي په مېرمنو مشتمل ده٬ د دوئي له اختيارمندې جوړولو پرته د پرمختګ خوب ريښتيا كېدې نه شي۔ سردار ایاز صادق په ټولو سټېك هولډرز زور راوړو چې هغوي دې د مېرمنو د حقونو حفاظت باوري كولو له فعاله كردار ترسره كړي۔ ده ووئيل د پاكستان آئين د مېرمنو د حقونو ضمانت وركوي او پارليمنټ د مېرمنو تحفظ او د دوئي اختيارمندې جوړولو له يو شمېر قوانين منظور كړي دي ٬ په پارليمان كښې جوړ كړے شوے وومن پارليماني كاكس د مېرمنو د حقونو تحفظ او د دوئي خېر ښېګرې له فعاله كردار ترسره كوي۔ سپیکر د مېرمنو په ضد د تشدد خاتمې له دشعور بېدارولو او د يو داسې ټولنې د تشكيل كولو په حاجت زور راوړو چرته چې مرمنې عزت ٬ تحفظ او برابرۍ سره ژوند وكړې شي۔ سپیکر سردار ایاز صادق په مېرمنو روان تشدد ختمولو له او دوئي په سماجي او معاشي توګه اختيارمندې جوړولو له د پارليمان د كردار جاري ساتلو عزم پخلے وكړو۔
