اسلام آباد۔30دسمبر(اے پی پی) د اطلاعاتو وفاقي وزير عطاﺀ تارړ د لاهور پرېس كلب نوې ټاكلې شوو عهدېدارانو له مباركي وركولو سره وئيلي دي چې پرېس كلب د خبريالانو مضبوط آواز دے ٬ پرېس كلب تل د اولس مسئلې ايوانونو ته رسولې دي۔ د ګل په ورځ د لاهور پرېس كلب نوي ټاكلي شوي صدر ارشد انصاری، سېکرټری جنرل زاهد عابد، سینئر نائب صدر افضال طالب، نائب صدر صائمه نواز، جوائنټ سېکرټری عمران شېخ، فنانس سېکرټری سالک نواز او نوې ټاكلې شوې ګورننګ باډي ته د مباركۍ پېغام كښې وفاقي وزير ووئيل د مسلم ليګ (نون) حكومت د رايۍ او صحافت په آزادۍ بشپړ باور لري٬ د آئين او قانون په سرلوړۍ كښې د لاهور د خبريالې ورورولۍ مهم كردار دے۔ ده ووئيل پرېس كلب د خبريالانو مضبوط آواز دے ٬ پرېس كلب تل د اولس مسئلې ايوانونو ته رسولې دي۔ وفاقی وزیر ووئيل حكومت د خبريالانو خېر ښېګړې له ټول ممكنه ګامونه پورته كوي۔ ده هيله څرګنده كړه چې د لاهور پرېس كلب نوې ټاكلې شوې مشرتابه به د خبريالانو خېر ښېګړې له خپل كردار ترسره كړي۔ وفاقي وزير د لاهور پرېس كلب نوې ټاكلې شوې ګورننګ باډي له د نېكو هيلو څرګندونه هم وكړه۔
