اسلام آباد 21 دسمبر(اے پي پي) د وزيراعظم د روغتيا خاص مرستيال ډاكټر ظفر مرزا وئيلي دي چې په ټول هېواد كښې د پوليو مخ نيوي كمپائن په مهال تر اوسه 99 فيصده ماشومانو ته د پوليو څخه د بچ كېدو څاڅكي وركړې شوي دي. د نېشنل اېمرجنسي آپرېشن سنټر لخوا جاري شوي بيان له مخې ډاكټر ظفر مرزا وئيلي دي چې د دسمبر په 16مه نېټه پېل شوي په ټول هېواد كښې د پوليو مخ نيوي كمپائن په مهال تر اوسه 99 فيصده ماشومانو ته د پوليو څخه د بچ كېدو څاڅكي وركړې شوي دي. ده ووئيل چې د روان كمپائن په مهال د دوه لكو 65 زرو نه زياتو د پوليو كاركنانو كور په كور د 5 كلونو نه د كم عمر 39.52 مليونه ماشومانو ته د پوليو څاڅكي وركړي دي. وزيراعظم عمران خان په وفاقي پايه تخت اسلام آباد او د څلورو واړو صوبو اعلٰی وزيرانو په خپلو صوبو كښې د دسمبر په 16مه نېټه د پوليو كمپائن پرانسته كړې وه. ډاكټر ظفر مرزا وئيلي دي چې مونږ په ترجيحي بنيادونو د پوليو د مكمل خاتمې پرېكړه كړې.
