مدينه منوره 14 دسمبر(اے پي پي) وزيراعظم عمران خان په روضه رسول﴿ص﴾ حاضري وكړه، وزيراعظم په دې موقع نوافل ادا كړل او د هېواد او قوم پرمختګ او سلامتيا لپاره ئې دعا وكړه. د وزيراعظم دفتر د مېډيا څانګې له مخې وزيراعظم عمران خان به په روضه رسول ﴿ص﴾ د حاضرې او د نوافل ادا كولو نه پس خپلو سركاري مصروفياتو لپاره رياض ته ځي. د دې څخه وړاندې وزيراعظم د خپلې دورې په وړومبې پړاٶ كښې مدينې منورې ته رسېدلې و. په رائل ټرمينل د مدينې دوهم والي وحيب السهلي او په جده كښې د پاكستان قونصل جنرل خالد مجيد د وزيراعظم هركلې وكړو. په دې موقع د سعودي د پروټوكول چارواكي او د پاكستاني قونصلېټ چارواكي هم موجود وو. خارجه سېكتر سهېل محمود هم د وزيراعظم په پلاوي كښې شامل دے.
