وزیراعظم شاہد خاقان عباسی اتے چین دے وزیراعظم لی دی چیانگ دی ملاقات
شنگھائی تعاون تنظیم سمیت بئے مختلف فورمز تے ڈو پاسہ تعاون اتے سیاست،معیشت ،تجارت ،دفاع سمیت سٹریٹجک تعلقات اچ آپسی تعاون کوں ودھاونڑ تے اتفاق،پاکستان دی شنگھائی تعاون تنظیم دی رکنےت نال خطہ دی سلامتی،استحکام اتے ترقی اچ مددملسی،چینی وزیراعظم
چین دی اجوکی قیادت خطہ دی ترقی اچ اہم کردار نبھیندی پئی اے،شاہد خاقان عباسی
سوچی ۔ 30نومبر (اے پی پی) وزیراعظم شاہد خاقان عباسی اتے چین دے وزیراعظم لی دی چیانگ روس دے شہر سوچی اچ ملاقات کیتی اے۔ایں موقع تے شنگھائی تعاون تنظیم سمیت بئے مختلف فورمز تے ڈو پاسہ تعاون اتے سیاست،معیشت ،تجارت ،دفاع سمیت سٹریٹجک تعلقات اچ آپسی تعاون کوں ودھاونڑ تے اتفاق کیتا گئے ۔ وزیراعظم شاہد خاقان عباسی چین دی کمیونسٹ پارٹی دی 19ویں کانگریس دی کامیابی تے چینی وزیراعظم کوں مبارکباد ڈتی اتے چینی وزیراعظم کوں پولیٹیکل بیورو جبکہ چین دے صدر شی جن پنگ دی بطور پارٹی جنرل سیکرٹری انتخاب تے مبارکباد ڈتی۔انہاں ون چائنہ پالیسی سمیت بئے مختلف معاملیاں تے چین دی حماےت اتے تعاون کوں جاری رکھنڑ دا عزم وی کیتا۔ایں موقع تے چینی وزیراعظم آکھیا جو پاکستان دی شنگھائی تعاون تنظیم دی رکنےت نال خطہ دی سلامتی،استحکام اتے ترقی اچ مددملسی۔وزیراعظم شاہد خاقان عباسی شنگھائی تعاون تنظیم دے پلیٹ فارم توں کیتے ونجنڑ آلے اقدامات کوں سراہیا اتے آکھیا جو چین دی اجوکی قیادت خطہ دی ترقی اچ اہم کردار نبھیندی پئی اے۔
