اسلام آباد 21 اکتوبر (اے پي پي) د قامي اسمبلۍ سپيکر سردار اياز صادق د سپريم کورټ چيف جسټس نامزدګۍ لپاره خاص كمېټي جوړولو لپاره د سېنېټ چيئرمېن سيد يوسف رضا ګيلاني٬ د مسلم ليګ ن٬ پيپلز پارټۍي اېم كيو اېم او سني اتحاد كونسل ته چيټۍ استولې دي۔ د ګل په ورځ د قامي اسمبلۍ سېکرټريټ له مخې د سپيکر لخوا په ليكلے شوو خطونو كښې د آئين آرټيکل 175 اے ذيلي شق 3 اے حواله وركولو سره وئيلي شوي په خاص كمېټۍ كښې به اته غړي د قامي اسمبلۍ او څلور د سېنېټ څخه وي٬ د آئين آرټيکل 175 اے د ذيلي شق 3 بي له مخې په پارلمان كښې د نمائندګۍ په تناسب سره به د پارلمان مشران دې خپل خپل ګوند څخه خاص كمېټۍ لپاره غړي ټاكي٬ دغسې سېنېټ څخه به هم خاص كمېټۍ لپاره څلور غړي شاملولې شي٬ کميټي به د سپريم کورټ په درېو سينئر ججانو كښې د چيف جسټس آف پاکستان نامزدګي كوي
