اسلام آباد۔20دسمبر(اے پی پی) د خزانې وفاقي وزير سېنېټر اورنګزیب د ټېكس نظام فعاله ٬ سپېځلے او منصفانه جوړولو او په مېنوفېکچرنګ څانګه او تنخواه داره طبقه د ټېكسونو بوج متوازن جوړولو له د حكومتي عزم پخلي كولو سره وئيلي دي چې حکومت د ټېكنالوجۍ د لارې د ټېكس نظام لا ښه كول غواړي دغسې چې بشري مداخلت ختم او سپېځلتيا باوري كړې شي۔ ده دا خبره د جمعې په ورځ د کوکاکولا ګلوبل سی ای او کریم یاهی سره خپلو خبرو كښې وكړه كوم چې سره د خپل پلاوي وفاقي وزير سره ملاقات وكړو۔ د خزانې وزارت او اېف بي آر اعلی چارواكي هم په دې موقعه موجود وو۔ د ملاقات په مهال د سي سي آئي پلاوي د خوانې وزير ته بريفنګ كښې ووئيل د کمپنۍ 7 نوې پېداواري تنصيبات دي۔ بريفنګ كښې ووئيلې شوو چې كمپني د پاكستان په معيشت كښې د ښكاره سرمايه كارۍ د لارې خپل په زړه پورې كردار ترسره كوي٬ د كمپنۍ د لاسه د زرګونو په شمېر وګړو ته د روزګار مباشر او غېر مباشر موقعې ترلاسه شوي دي۔ وفاقی وزیر په پاكستان كښې د مهم سرمايه كار او همكار په توګه د كوكاكولا د كردار ستائنه وكړه۔ د خزانې وزير جدت، پرمختګ او پائيدارۍ ته د ودې وركولو په لړ كښې سرمايه كارو لپاره د غوره چاپېريال رامخې ته كولو له حكومتي عزم پخلے وكړو۔ په ملاقات كښې په ټېکسېشن پالیسیز او د مشروباتو په څانګه ددې په اغېزو هم خبرې وشوې۔ ده ووئيل حكومت منصفانه ټېكس پالېسيز ته وده وركوي دغسې جې د اقتصادي پرمختګ ډاډګيرنه كولو سره تلپاتي محصولات باوري كړې شي۔ په ملاقات كښې فریقینو ټولو همكارانو سره پرله پسې مشاورت او غوره پالېسي فرېم ورك لپاره د كار كولو عزم پخلے وكړو دغسې چې پاكستان د اوږدې مودې او تلپاتي پرمختګ موقعې رامخې ته كړې شي۔
