اسلام آباد۔17دسمبر(اے پی پی) د قانون او انصاف وفاقي وزير اعظم نذير تارړ وئيلي دي د پاړا چنار په اړه وفاقي حكومت د خپلو ذمه وارو څخه خبر دے٬ د خېبر پښتونخوا صوبائي حكومت سره پرله پسې په رابطه كښې يؤ٬ صوبائي حكومت ته دا وئيلې شوي چې حكومت خپل آئيني او اخلاقي فرض ترسره كولو له چمتؤ دے ٬ په پاړا چنار كښې سياسي مسئله زياته شوې۔ ده د نهې په ورځ په ايوان كښې د صدر نشین عبد القادر پټېل لخوا په پورته كړې معامله د خيالاتو څرګندونه كوله۔ صدر نشیں عبدالقادر پټېل ووئيل زما په علم كښې راغلې چې په پاړا چنار كښې د داروګانو د كمي له امله 19 ماشومان مړه شوي٬ د روغتيا پارليماني سېكرټري دې د دې تفصيلات ترلاسه كولو سره اصل صورتحال څخه ايوان خبر كړي۔ د نهې په ورځ د غونډې په مهال صدر نشين پټېل وفاقي پارليماني سېكرټري خبر كړو چې په نجي ورځپاڼه كښې خبر راغلے چې په پاړا چنار كښې د داروګانو د كمي له امله 19 كوچنيان مړه شوي دي۔ د قانون وفاقي وزير اعظم نذير تارړ ووئيل د آئين له مخې امن د صوبائي حكومت ذمه واري ده٬ وفاق ترې هم جلا پاتې كېدې نه شي٬ كه په كومه برخه كښې داسې كومه معامله وي نو حكومت دې فرض ترسره كړي۔ ده ووئيل د خېبر پښتونخوا ګورنر ګرېنډ جرګه كړې ٬ د كے پي كے وزيراعلی كه په دې كښې ګډون كړے ؤ نو دا پېغام به رامخې شوے ؤ چې اولس لپاره يو بل سره ناسته كولو له چمتؤ يؤ۔ ده ووئيل د دواروګانو د كمي معامله به كابينې ته وړاندې كړم۔ ده ووئيل مرستې لپاره چې د كوم هم اقدام غوښتنه وكړې شي پورته كولې به شي۔ مولانا فضل الرحمان ووئيل په پاړا چنار كښې له كلونو راهېسې فسادات روان دي٬ د زرګونو په شمېر خلق وژلې شوي٬ كلي ويجاړ شوي ٬ په قافلو ډزې كيږي ٬ بازارونه بند پراته دي ٬ د داروګانو كمے دے۔ امن راوستو له به څه كول وي۔ صدر نشیں ووئيل د قامي اسمبلۍ سپيكر ته به خواست وكړم چې يوه ورځ دې لپاره وټاكي دغسې چې يوازې د پاړا چنار په مسئلو او شخړو او د هغې په حل كولو خبره وكړې شي
