اسلام آباد 27 اګست (اے پي پي) د توان وفاقي وزير (پاور ډويژن) سردار اوېس احمد خان لغاري وئيلي دي په 26م اګست نېشنل اليکټرك پاور ريګوليټري اتھارټي (نيپرا) زمونږ د پټيشن سماعت كړے او كه زمونږ پټيشن تسليم كړے شو نو د دې له مخې به د درېو مياشتي ټېر ايډجسټمنټ (کيو ټي اے) په مد كښې د ستمبر نه تر نومبر په بلونو كښې 96 پېسے د يونټ په سر زياتوالي اوشي او د فيول چارجز ايډجسټمنټ (اېف سي اے) په مد كښې به 2.87 پيسے كمے راشي۔ د نهې په ورځ ميډيا سره په خبرو كښې ده ووئيل د ټيکس د اثر نه وروستو به صارفينو له 2.37 روپۍ د يونټ په سر كمے وركول وي٬ د بجلۍ په بيعه كښې د مسلسل اضافې تاثر ناسمه دے۔ وفاقي وزير ووئيل په پارو سېكټر كښې د بجلۍ د بيعې تعين نېپرا كوي او نېپرا هر درې مياشتې پس د بيعې تعين كوي٬ هر درې مياشتې پس د بيعې تعين کيو ټي اے او اېف سي اے په مد كښې كېږي۔
