اسلام آباد۔3ستمبر(اے پی پی) وزيراعظم شهباز شريف معاشي استحكام ٬ محصولات وصولولو كښې د بدعنوانۍ مخنيوي ٬ قاچاق ختمولو ٬ د فعاله روزګار موقعې رامخې ته كولو او خرڅونو كښې كمي كولو له د عزم پخلي كولو سره وئيلي دي چې د ګرانۍ بوج په دمه دمه مخ په كمېدو دے ٬ د ګرانۍ شرح په اګست كښې 9.6 فیصده څخه لاندې راغلې ده، رائټ سائزنګ او ډاؤن سائزنګ سره سره په ګرځنده قرضونو كښې به هم كمي راوستل وي٬ آئي اېم اېف سره دا بايد زمونږ وروستې پروګرام وي ٬ هېواد به په خپلو اودرېدو سره پرمختګ وكړي۔ ددې خيالاتو څرګندونه وزيراعظم د نهې په ورځ د وفاقي كابينې غونډه كښې د خبرو په مهال وكړه۔ وزیراعظم ووئيل د ګرانۍ بوج په دمه دمه مخ په كمېدو دے۔ په اګست كښې د افراط زر شرح 9.6 فيصد ته راغلې ده۔ تېر كال دا 27 فيصده وه او دا يوه زياته خوشبينه خبره ده۔ په دې لړ كښې د خزانې وزير ٬ د سټېټ بېنك ګورنر او د ټولو اړوندونو وزارتونو افسرانو كاركردګي د ستائنې وړ ده ده ووئيل دا يوه په زړه پورې كاميابي ده ٬ سفر اوږد دے خو مونږ له به تندۍ سره مخ په وړاندې تلل وي٬ معيشت ته به ترقي وركول او په دې كښې به استحكام راوستل وي٬ د روزګار موقعې به زياتول وي٬ په خرڅونو كښې تندۍ سره كمې كول دي ٬ دې لپاره رائټ سازنګ او ډاؤن سائزنګ هم باوري كول دي٬ د بجلۍ او ګاز ګرځنده قرضې هم كمول دي۔ وزیراعظم ووئيل د ټېكس غلا او بدعنوانۍ مخنيوې كول دي٬ د روزګار موقعې رامخې ته كول زمونږ ترجيح ده۔ دې سره سره قاچاق به هم ختمول وي٬ په دې ټولو چارو شپه او ورځ كار روان دے٬ سفر سخت ضرور دے خو ناممكنه نه دے٬ كه مونږ خپل هدفونه تر نظر لاندې وساتؤ نو مونږ به خپل منزل كه پاك پروردګار ته منظور وي ضرور ورسؤ۔ ده ووئيل كه د زباني خبرو په ځايې عملي كار ته پام وګرځوؤ نو خپل مقصدونه ترلاسه كولې شوؤ۔ ده ووئيل د معيشت بهترۍ لپاره په ټولو جهتونو كښې په جدي توګه مخ په وړاندې روان يؤ۔ ده ووئيل شپه او ورځ خواري كوؤنكو قامونو خپل حالات ښه كړل ٬ پاكستان ته پاك پروردګار بلها معدنيات ٬ قدرتي وسائل او قابل ذهنونه وركړې دي۔ پاکستانے قام او په خاص توګه ځوانان زيات صلاحيت لرونكي دي۔ ده ووئيل د آئي اېم اېف پروګرام لوازمات ترسره كولو له اقدامات كوؤ۔ آئی اېم اېف بورډ ته زمونږ د كېس تللو سره به نوے سفر پېل شي خو د آئي اېم اېف دا پروګرام بايد زمونږ د هېواد د تاريخ وروستے پروګرام وي۔ ده ووئيل هېواد به پخپلو پښو اودرېدو سره پرمختګ وكړي۔
