صوبائی حکومتاں نال ہم آہنگی نال سارے وڈے شہراں سانگے ترجیحی بنیاداں تے آبی سکیماں کوں پورا کرنڑ سانگے جامع پلان بنڑایا ونجے،راولپنڈی اتے اسلام آباد سانگے واٹر سپلائی سکیم فوری شروع کیتی ونجے،زمین دے تلوں پانڑی دی غیر ضروری پمپنگ دے اجوکے رجحان کوں روکنڑ سانگے قانونی فریم ورک دے نال ہک جامع منصوبہ بنڑایا ونجے،وزیراعظم عمران خان دی وزارت آبی وسائل اتے منصوبہ بندی ڈویژن کوں ہدایت
اسلام آباد ۔ 26 ستمبر (اے پی پی) وزیراعظم عمران خان وزارت آبی وسائل اتے منصوبہ بندی ڈویژن کوں ہدایت کیتی اے جو صوبائی حکومتاں نال ہم آہنگی نال سارے وڈے شہراں سانگے ترجیحی بنیاداں تے آبی سکیماں کوں پورا کرنڑ سانگے جامع پلان بنڑایا ونجے،راولپنڈی اتے اسلام آباد سانگے واٹر سپلائی سکیم فوری شروع کیتی ونجے،زمین دے تلوں پانڑی دی غیر ضروری پمپنگ دے اجوکے رجحان کوں روکنڑ سانگے قانونی فریم ورک دے نال ہک جامع منصوبہ بنڑایا ونجے۔انہاں اے گالھ بدھ کوں وزیراعظم آفس اچ وزارت آبی وسائل ولوں بریفنگ سانگے کیتے گئے اجلاس دی صدارت کریندیں ہوئیں آکھی۔ وفاقی وزیر خزانہ اسد عمر، وزیر منصوبہ بندی خسرو بختیار، وزیر توانائی عمر ایوب خان اتے وزیراعظم دے مشیر ملک امین اسلم خان توں انج وفاقی سیکرٹریز آبی وسائل، اقتصادی امور ڈویژن، فوڈ سکیورٹی اینڈ ریسرچ، چیئرمین واپڈا اتے سینئر حکام وی ایں موقع تے موجود ہن ۔اجلاس اچ وزیراعظم کوں ملک اچ پانڑی دی دستیابی دی مجموعی صورتحال،پانڑی جمع کرنڑ دی گنجائش اتے ودھدی ہوئی آبادی دی لوڑھ پوری کرنڑ سانگے پانڑی دی دستیابی کوں یقینی بنڑاونڑ بارے مسئلیاں بارے تفصیلی بریفنگ ڈتی گئی ۔
