اسلام آباد۔18جون(اے پی پی):وفاقی وزیر اطلاعات ونشریات مریم اورنگزیب آکھیے حکومتی اقدامات اتے فلم انڈسٹری کوں ݙتی ونڄݨ آلی مراعات توں توقع اے جو آندے ݙاہ سال اچ اے شعبہ ہمسایہ ملکاں دے مقابلے اچ ہوسی ،فلم سازی کوں ٹیکس توں استثنیٰ نال اے صنعت بحال تھیسی ،متوسط طبقہ دی تفریح کیتے سینما گھر اپݨے ٹکٹ دے نرخ گھٹ کرن ،سکرین ٹورازم پاکستان دی مثبت تاثر،ایندی تقافت کوں اجاگر کرݨ دا ھک موثر ذریعہ اے ،حکومت 2 ارب روپے دی لاڳت نال فلم فنانس فنڈ قائم کیتے ایں فنڈ توں فلم سازی،دستاویزی فلماں اتے ڈرامہ سازی تے فنڈنگ کیتی ویسی ۔اتوار کوں وفاقی وزیر اطلاعات ونشریات مریم اورنگزیب آسٹریلیا روانہ تھیوݨ آلے نیشنل امیچور فلم فیسٹیول ایوارڈ کیتے ہائی اچیورز توں خطاب کریندے ہوئیں آکھیے 1970 توں 2000 دے دوران پاکستان فلم انڈسٹری دی ترقی رکی رہی۔انہاں آکھیے 2000 دے بعد فلم انڈسٹری اچ ترقی دا سفر شروع تھیا ، وݙے میڈیا ہائوسز انفرادی طور تے فلماں تیار کیتیاں جیں توں فلم انڈسٹری بحال تھیوݨ شروع تھئی ،سینما گھر نہ ہووݨ دی وجہ توں فلم انڈسٹری اچ مزید ترقی نی تھیندی پئی ،ملٹی سکرین سینماز مہانگے تھیوݨ دی وجہ توں عام عوام دا فلم ݙٰیکھݨ ھک چیلنج بݨ چکیے۔انہاں آکھیے 2017 اچ حکومت پہلی فلم پالیسی جاری کیتی،فلم پالیسی اچ فلم، ڈرامہ، موسیقی دی بحالی دا وژن ݙتا ڳیا ، 2018 اچ اساں فلم پالیسی کوں بجٹ اچ رلایا ، گزریل سال جݙاں ول ساݙی حکومت آئی تاں وزارت اطلاعات دے تحت فلم ڈویژن دا آغاز کیتا۔مریم اورنگزیب آکھیے ایں ویلھے پاکستان دی فلم انڈسٹری تے زیرو ٹیکس اے،فلم تیار کرݨ آلیں دی آمدن تے ٹیکس استثنیٰ حاصل ہوسی،آلات دی درآمد، فلم میکنگ، سینما، پروڈکشن متعلق آلات دی درآمد تے ٹیکس زیرو اے ، انہاں آکھیے حکومت پاکستان دا فلم فنانس فنڈ شروع تھیندا پئے،حکومت پاکستان 2 ارب روپے دے فلم فنانس فنڈ دا اعلان کیتے، مریم اورنگزیب آکھیے حکومت فلم، ڈاکومنٹری اتے ڈرامہ تیار کرݨ تے فنڈز ݙیسی ،سینما گھراں کوں ݙاہ سال کیتے ٹیکس فری کیتا ڳئے ۔مریم اورنگزیب آکھیے سینما گھراں دی آمدن تے وی کوئی ٹیکس نی لاتا ڳیا ۔ مریم اورنگزیب آکھیے ٻاہرلے ملک ونڄݨ آلے طلبا واپسی تے موجود فریم ورک توں فیدہ چا سڳدن ،پاکستان دے بیانیہ کوں صرف سکرین ٹورازم نال ودھارا ݙتا ونڄ سڳدے ۔ مریم اورنگزیب آکھیے سعودی عرب، ترکی، ایران اتے قطر سودھے ہمسایہ ملکاں نویاں فلم انڈسٹریاں بݨائن،فلم فنانس فنڈ کیپیٹل انوسٹمنٹ دی وجہ توں پیدا تھیوݨ آلے خلا کوں گھٹ کریسی انہاں آکھیے اقراء نسٹ، لمز یونیورسٹیاں سودھے سکولاں وی فلم پروڈکشن ڈرامہ بارے ڈگری کورسز متعارف کروائن،ایندا بنیادی مقصد پاکستان دے بیانیہ، ورثہ، ثقافت اتے عظیم تاریخ کوں اجاگر کرݨا اے۔مریم اورنگزیب آکھیے پی ٹی وی، ریڈیو پاکستان اتے انفارمیشن سروس اکیڈمی دے اندر ٹریننگ تھیندی پئی اے ،فلم دے شعبہ اچ پنج توں ݙساہ سال کیتے ٻہوں ساریاں مراعات ݙتیاں ڳئن۔
