اسلام آباد۔4دسمبر(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو الیکشن کمیشن آف پاکستان دی مالی لوڑھ پوری کرݨ کیتے کوئی وی بحران کائنی، ای سی پی کوں لوڑھ دے مطابق بجٹ ݙتا ویسی۔ ہک ٹویٹ اچ نگران وفاقی وزیر اطلاعات آکھیا جو وفاقی کابینہ الیکشن کمیشن کوں عام انتخابات سانڳے 42 ارب روپے دی منظوری ݙتی ہئی، 10 ارب روپے پہلے ہی ݙے ݙتے ڳن اتے ہݨ الیکشن کمیشن منظور شدہ بجٹ اچوں ٻئے 17.4 ارب روپے منڳین ڄیڑھے تیکھے جاری کیتے ویسن، نگران حکومت آئین دے آرٹیکل 218(3) دے تحت آزادانہ و منصفانہ انتخابات سانڳے الیکشن کمیشن دے نال اے۔
