اسلام آباد۔19جنوری (اے پی پی):وفاقی سیکرٹری داخلہ آفتاب اکبر درانی نال اقوام متحدہ دے ہائی کمیشن مہاجرین (یو این ایچ سی آر) دے وفد فلپا کینڈلر دی سربراہی اچ ملاقات کیتی جیں اچ ݙو پاسے دلچسپی دے امور تے ڳالھ مہاڑ کیتی ڳئی اے ۔ ترجمان وزارت داخلہ موجب ملاقات اچ وفاقی سیکرٹری داخلہ ݙسائے جو پاکستان کئی ݙھاکیں توں مہاجرین دی میزبانی کیتی اے ، اڄوکا آپریشن پاکستان اچ غیر قانونی طور تے رہݨ آلے غیر ملکیاں دے خلاف کیتا ویندا پئے ، قانونی دستاویزات دے حامل لوکاں دے خلاف فی الحال کوئی کارروائی نی کیتی ویندی پئی ۔وزارت داخلہ اچ ایں ضمن اچ کنٹرول سینٹر تے ہیلپ لائن بݨائی ڳئی اے۔
