اسلام آباد۔16اکتوبر (اے پی پی) وزیراعظم محمد شہباز شریف اڄ بدھ کوں جناح کنونشن سینٹر، اسلام آباد اچ شروع تھیوݨ آلے شنگھائی تعاون تنظیم کونسل دے سربراہان حکومت دے 23 ویں اجلاس دی صدارت کریسن۔ وزیراعظم آفس دے میڈیا ونگ توں جاری بیان موجب وزیراعظم جناح کنونشن سینٹر اچ شنگھائی تعاون تنظیم کونسل دے سربراہان حکومت دا استقبال کریسن۔ وزیراعظم اجلاس توں افتتاحی خطاب کریسن اتے قومی بیان وی ݙیسن۔
