اسلام آباد -14 آگسٽ (اي پي پي) پاڪستان ۾ جاپان جي سفير واڊا مٽسو هيرو يوم آزادي جي ڊائمنڊ جوبلي جي پرمسرت موقعي تي جاپان جي عوام طرفان پاڪستاني عوام لاءِ دلي مبارڪن ۽ نيڪ خواهشن جو اظهار ڪيو آهي. پنهنجي پيغام ۾ هن چيو ته هلندڙ سال اسان جي سفارتي لاڳاپن جي 70هين سالگره ملهائي پئي وڃي. جاپاني سفير چيو ته پنهنجي عهد جي تجديد ڪيان ٿو ته ايندڙ 70 سالن تائين پنهنجي لاڳاپن کي وڌيڪ مضبوط ۽ گهرو ڪرڻ لاءِ گڏجي ڪم ڪرڻ جاري رکندس. جاپان پاڪستان دوستي زنده باد، عزم عاليشان، شاد رهي پاڪستان.
