اسلام آباد 26 نومبر (اے پي پي) د ډي اېټ هېوادونو د شهري هوابازې د مشرانو دوه ورځنې كنفرنس به ﴿نن﴾ د ګل په ورځ په اسلام آباد كښې پېل كېږي۔ په كنفرنس كښې به ډي اېټ هېوادونو ته ورپېښې د شهري هوابازې ستونزې او په دې څانګه كښې د راتلونكي وخت د مرستې امكانات او چېلنجونه تر بحث لاندې رواستلې شي۔ د اېوي اېشن په اړه د وزيراعظم سلاكار سردار مهتاب احمد خان عباسي به د كنفرنس پرانسته كوي۔ د پاكستان د شهري هوابازې ادارې كنفرنس لپاره چمتووالې نيولې۔ په كنفرنس كښې به د بنګله دېش٬ مصر٬ انډونېزيا٬ مالېزيا٬ نائجېريا٬ پاكستان او تركيې پشمول د ډي اېټ هېوادونو د شهري هوابازې مشران ګډون كوي۔ د كنفرنس په مهال به بېلا بېلې ناستې كولې شي۔ په كنفرنس كښې ګډون كوونكو هېوادونو ته به د كنفرنس د لارې د يو بل د تجربو څخه د استفاده كولو٬ د راتلونكي وخت د لائحې وضع كولو او د روابطو په ټېنګولو د خبرو كولو موقع په لاس ورشي۔ د كنفرنس په وړومبې ورځ به ګډون كوونكي د لورك ورثه د ميوزيم دوره كوي۔ د كنفرنس په دوهمه ورځ به ګډون كوونكي د كار استعداد او تربيې په اړه د ټاسك فورس چارې تر بحث لاندې راولي او په پاكستان كښې به د فلائېټ انسپكشن فسېلټي٬ د سول اېوي اېشن د تربيې ادارو او د ټركش ټېكنيك كمپني پروفائل پشمول په بېلا بېلو موضوعاتو پرېزنټېشن وركولې شي۔ ګډون كوونكي به د شهري هوابازې د اهميت٬ د دې صنعت صورتحال٬ د تحفظ په اړه په ټاسك فورس٬ ډرون سېفټي او قواعدو او ضوابطو هم غور كوي۔
