کوئټه۔18مارچ( اے پی پی ) د سېنېټ چيئرمېن میر صادق سنجرانی وئيلي دي د بلوچستان د محرومۍ احساس ختمولو او د صوبې حقونو ساتلو له به قانون سازي كولې شي۔ د سي پېك تر سېوري لاندې به بلوچستان كښې د پرمختګ عمل او د اولس څوكالۍ له فعاله ګامونه پورته كوؤ۔د دې خيالاتو څرګندونه ده كوئټه كښې د ميډيا نمائندګانو سره خپلو خبرو كښې وكړه۔ ده ووئيل بلوچستان كښې د پرمختګ عمل تندولو له د فنانس څانګې په شمول نورو وفاقي څانګو سره خبره كولو سره به د پرمختيائي فنډ په وخت جاري كول باوري كړو او د صوبې د حقونو به په هر فورم ساتنه كوؤ۔ د سېنېټ چيئرمېن ووئيل راتلونكو ټول ټاكنو كښې به اولس د خپل سباؤن پرېكړه د ووټ د لارې كوي۔ د بلوچستان په كچه هيله لرو چې د موجوده اعلی وزير میر عبدالقدوس بزنجو په مشرۍ كښې جوړ شوے 32 كسيزه اتحاد به كاميابي ترلاسه كړي۔ ده وئيل مونږ بلوچستان لپاره ډېر څه كول غواړو او په دې لړ كښې به په وفاقي كچه چې د بلوچستان كومې مسئلې دي په ترجيحي بنيادونو به حل كولې شي۔ دې څخه وړاندې كله چې نوې ټاكلې شوې چيئرمېن مير صادق عمران د خپلې ټاكنې څخه وروستو په اولني ځل بلوچستان ته ورسېد نو په كوئټه هوائي مېدان صوبائي وزيرانو ٬ د اسمبلۍ غړو او اعلی سول چارواكو سره سره قبائلي مشرانو لوئې شمېر كښې ده ته هركلې ووې۔
