لاہور۔15دسمبر (اے پی پی) صدر مملکت ڈاکٹر عارف علوی دی اہلیہ تے خاتون اول بیگم ثمینہ عارف علوی جمعے کوں شالامار باغ لاہور دا دورہ کیتا اتے تاریخی ورثے دے تحفظ کیتے پنجاب حکومت دی کوششاں دی تعریف کیتی۔ شالامار باغ پڄݨ تے خاتون اول ثمینہ عارف علوی دا استقبال ڈائریکٹر جنرل والڈ سٹی آف لاہور اتھارٹی کامران لاشاری اتےامچور گارڈنرز کلب دی چیئر پرسن نوشین سرفراز کیتا اتے انہاں کوں خوش آمدید آکھیا۔ امچور گارڈنرزدی چیئر پرسن نوشین سرفراز ایں موقع تے خاتون اول کوں شالامار باغ اچ وݨ اتے پودیاں اتے پھلاں بارے کماں دی تفصیل ݙسائی۔ ڈائریکٹر جنرل والڈ سٹی آف لاہور اتھارٹی کامران لاشاری خاتون اول کوں شالامار باغ دی تزئین و آرائش اتے تحفظ دے کماں بارے بریفنگ ݙتی۔ بیگم ثمینہ عارف علوی آثار قدیمہ دے ورثے دے تحفظ کیتے صوبائی حکومت اتے والڈ سٹی آف لاہور دی تعریف کیتی۔
