اسلام آباد۔7نومبر(اے پی پی) د وزیراعظم د موسمياتي بدلون کوآرډینېټر رومینه خورشید عالم وئيلي دي پاكستان ماحولياتي تحفظ ٬ موسماتي او ګلیشیولوجیکل ریسرچ، د محفوظ سيمو انتظام ، ماحولیاتی سېلګرۍ او د عرئيزې کمیونیټیز سماجی او اقتصادی پرمختګ ته خاص پاملرنه كوي۔ د دې خيالاتو څرګندونه دې د زيارت په ورځ خبري كنفرنس ته خپل خطاب كښې وكړه۔ په پاکستان كښې د 13032 ګلیشیئرز نوې انوېنټری: ”ګلیشیئرز اېنډ سټوډنټس“ پروجېکټ پېل كېدو په موقعه د وزیراعظم د موسمياتي بدلون کوآرډینېټر رومینه خورشید عالم د اطالوی حکومت په پاکستان او په خاص توګه په ګلګت بلتستان كښې د كردار او مرستې ستائنه وكړه۔ دې ووئيل په ټول شموله مطالعه كولو كښې EvK2CNR او د یو اېن ډی پی مرسته د پاكستان نوې ګلېشیئرز انوېنټری تياروي چې ورسره په پاكستان كښې د 13032 ګلیشیئرز نوې د ذكر وړ شمېرې رامخې ته شوي دي۔ دې ووئيل پاكستان له اوږدې مودې راهېسې د آب وهوا د لاسه رامخې ته كېدونكو آفتونو سره مخ دے چې په نتيجه كښې يۍ ځاني او مالي زيات زيان شوے دے۔ دې ووئيل تر ټولې زيات ځپليو سيمو كښی ګلګت بلتستان هم شامل دے او دې لپاره به په خاص توګه د اطاليا په شمول زمونږ د باور وړ همكارانو له فوري او په مستقل توګه كار كول وي۔ رومینه خورشید عالم ووئيل په پاكستان كښې د ګلېشیئر اوسنې انوینټری يوه لويه كاميابي ده چې ورسره دا خبره رامخې ته شوې ده چې په ګرد هېواد كښې 13032 ګلیشیئرز دي۔ دا يو مهم دريافت دے كوم چې د EvK2CNR پوهانو په مرسته ممكن شوے دے۔ د ګلګت بلتستان پوهنتونونو او سركاري ادارو سره د اطالوي پوهنتونونو مرستې له امله دا پراجېكټ په موسمياتي ستونزو قابو موندلو له د نړيوالې مرستې د اهميت يو ښه مثال دے۔ دې په دې لړ كښی د يو اېن ډي پي د كردار ستائنه وكړه۔ دې ووئيل زه په دې پرله پسې همكارۍ د اطالوي حكومت د زړه له كومي مننه كوم۔ هيله ده ده چې دا همكاري به لا زياتېږي كومه به چې په موسمياتي چېلنجونو قابو موندلو كښې د پاكستان مرسته وكړي
