اسلام آباد 10 دسمبر (اے پي پي) وزیراعظم محمد شهبازشریف وئيلي دي د سول نافرمانۍ کال د پاکستان سره دښمني ده، ترسېلات زر كښې ریکارډ زياتوالے بهر هېوادونو كښې د پاكستانيانو د باور څرګندونه ده، معاشی استحکام لپاره سیاسي استحکام ته اړتيا ده،په اسلام آباد بريد كوونكې شر خوښي به پرې نه ښودلې شي،سوريه كښې دګهيرو شوو پاكستانيانو راويستلو له میکنزم جوړ شوے۔د نهي په ورځ د وفاقی کابینې غونډي ته وزیراعظم محمد شهباز شریف ووئيل په تيرو څو ورځو كښې د سوريه حالات پرله پسې بدل شوي۔پاکستان په دې صورتحال كښې غیر جانبدار ؤ۔سوريه كښې دا مهال 250 زائرین او 300 نور پاکستانیان موجود دي۔دې نه ځانله د ځيني پاكستانيانو كورنۍ څو كلونو راهسې هلته مېشته دي۔په سوريه كښې د ګهيرو شوو پاكستانيانو انخلا په اړه نائب وزیراعظم او سوريه كښې د پاکستان سفیر متحرك کردار ترسره كوي۔تيره ورځ زما په سوريه كښې د پاکستان سفیر سره هم ملاقات شوے۔دغه كسان به د سړك د لارې لبنان او رفیق حریري هوائي ميدان د لارې چارټرډ فلائټ څخه بيرته راستنولې شي۔ تيره ورځ د لبنان وزیراعظم سره په دې لړ كښې زما خبره شوې۔ ده ووئېل ریاض ته د سعودي ولی عهد په بلنه چې كله زه هلته لاړم نو زما د لبنان وزیراعظم سره ملاقات هم شوےؤ هغه د پاكستاني اولس او حكومت لپاره د نيكو هيلو څرګندونه كړې او د پاکستان د اړخه په لېږلې مرسته ئې مننه وكړه۔ د لبنان وزیراعظم د بیروت د لارې په سوريه كښې د ګهيرو شوو پاكستانيانو راويستلو په لړ كښې د خپل اړخه د هر ممكن مرستې باور راكړے۔هغه اړوندو چارواكو ته په دې لړ كښې احکامات هم جاري كړي۔دغسې په سوريه كښې د ګهيرو شوو پاکستانیانو د راويستلو میکنزم جوړ شوے۔وزیراعظم د ګرانۍ (اېس پي آئي) انډکس په کمي او دا 3.7 فیصده ته په راتلو د لويې څښتن مننه كولو سره ووئيل معاشی استحکام او پرمختګ لپاره سیاسی استحکام او امن و امان ته اړتيا ده۔ وزیراعظم کابینې ته ووئيل تيره ورځ زما د آذربائیجان سفیر سره هم ملاقات شوے۔ فرورۍ كښې به آذربائیجان ته ځم او په پاکستان كښې د آذربائیجان 2 اربه ډالره سرمایه کارۍ په اړه لوظنامي به كولې شي۔ وزیراعظم ووئيل د حکومت په هڅو او اقدامات معاشي صورتحال كښې ښه والے رامخې ته كېږي۔دې لپاره سیاسی استحکام ته اړتيا ده۔ امن و امان په اړه تيره ورځ هم غونډه شوې وه چې پكښې ما سپارښتنه كړې چې په اسلام آباد د بريد كولو ناوړه هڅه او د اړي ګړي راجوړولو سازش چې د پاکستان په ضد شوے ؤ په هغې كښې چې څوك هم ككړ وي سره د ثبوتونو به د هغه په ضد كاروائي كولې شي او هغوې به په هيڅ صورت پرې نه ښودلې شي او كوم هم بے ګناه وګړي ته به لاس نه اچولې كېږي ۔وزیراعظم ترسېلات زر كښې په ریکارډ اضافه د اطمینان څرګندوني سره ووئيل بهر هېوادونو كښې د پاکستانیانو د باور څرګندونه ده كوم چې شپه ورځ محنت کوي او حلال رزق ګټي او روپۍ هېواد ته رالېږي۔ وزیراعظم د سول نافرمانۍ كال بد مرغي ګرځولو سره ووئيل دې نه لويه كومه بله دښمني د هېواد سره څه كيدې شي۔ وزیراعظم هيله څرګنده كړه چې د پاکستان معاشي صورتحال كښې ښه والي راتللو سره به خپل د لاسه وركړے مقام به ضرور ترلاسه كوو۔
