اسلام آباد۔1دسمبر (اے پی پی):صدر مملکت ڈاکٹر عارف علوی دی ذال بیگم ثمینہ عارف علوی آکھیے جو چھاتی دے کینسر بارے آگاہی مہم نال لوکاں کوں شعور ملیے تے لوکاں کوں اے ݙساوݨ اچ کافی حد تئیں کامیاب تھیوں جو وختی تشخیص اچ ہی بریسٹ کینسر دا علاج ممکن اے ۔اے ڳالھ انہاں خمیس کوں صحت کہانی دے اہتمام نال ’’میں زندہ بچ سکتی ہوں‘‘ دے موضوع تے تقریب توں خطاب کریندے ہوئیں آکھی اے ۔ چھاتی دے کینسر دے مریضاں دی مدد کیتے جوبلی انشورنس دے تعاون نال کینسر پروٹیکشن پروگرام شروع کرݨ تے صحت کہانی کوں چنڳاں آکھدی ہاں ، جیں دی مدد نال مریضاں تے پووݨ آلے مالیاتی ٻوڄھ کوں گھٹ کیتا ونڄ سڳدے تے چھاتی دے کینسر دے علاج تے جیڑھے خرچے آندن ایں حوالے نال لوکاں کوں انشورنس ݙتی ویسی ، ایں پروگرام نال مفت سکریننگ دیاں سہولتاں ݙیوݨ ٻہوں چنڳی ڳالھ اے کیوں جو بریسٹ کینسر دا علاج کافی مہانگا اے تے ھک عام بندہ آپݨے طور تے ایں علاج دا ٻوجھ برداشت نی کرسڳدا ۔
