اسلام آباد۔11نومبر(اے پی پی) صدر مملكت آصف علي زرداری د اکتوبر په 31 مه نېټه له ژوبل کېدو نه وروستو د خواخوږۍ او خېر سګالۍ په پېغام د عوامي جمهوري چین صدر شي جن پینګ د زړه له كومي مننه كړې ده۔ د ګل په ورځ د ايوان صدر پرېس ونګ لخوا د جاري شوي بيان له مخې د نومبر په 3 مه نېټه يو خط كښې د چين صدر د صدر مملكت آصف علي زرداري په ژوبل كېدو اندېښنه او د هغه زر روغتيا لپاره د نېكو هيلو خرګندونه كړې وه۔ هغه په خپل لیک كښې د پاك چين د دوستۍ ژوروالې تكرار سره صدر مملكت آصف علي زرداري ته په مناسب وخت د چين دورې كولو بلنه هم وركړې۔ صدر مملكت آصف علي زرداري د چين صدر لخوا د خېر سګالۍ په پېغام مننه كولو سره ووئيل زه به نزدې سباؤن كښې د چين دوره كوم٬ دورې سره به د دواړو هېوادونو ترمينځه پخوانے تړون لا پياوړے شي۔ دواړو لارښودو د پاكستان او چين ترمينځه د ”آل وېدر سټرېټجک کوآپرېټو پارټنرشپ“ اهميت په ډاګه كړو۔ صدر مملکت د پاك چين اړيكې مخ په وړاندې بوتللو په اړه د خپل هم منصب شي جن پنګ مننه وكړه
