اسلام آباد۔12 اکتوبر(اے پی پی)امریکی وزارت خارجہ دے ترجمان نیڈ پرائس آکھیے جو امریکا افغان عوام دے مستقبل اتے استحکام سودھا خطے اچ امن و سلامتی سانڳے پاکستان نال مسلسل رابطے اچ اے، پاکستان نال تعاون جاری رکھیا ویسی۔ اے ڳالھ انہاں ہک بیان اچ آکھی جو ڈپٹی سیکرٹری آف اسٹیٹ وینڈی شرمین دی پاکستان دے آرمی چیف نال ݙوطرفہ معاملیاں تے مفید ڳالھ مہاڑ تھئی اے اتے امریکا پاکستان نال تعلقات دی قدر کریندے جو سلامتی اتے معیشت سانڳے ساݙے کئی مفادات ہکو سویں ہین۔ نیڈ پرائس آکھیا جو پاکستان اچ ہک جمہوری حکومت اے، سیلاب زدگان دا ہتھ ونݙاوݨ کیتے مانیٹرنگ سانڳے امریکا اتے یو ایس ایڈ دے نمائندے متاثرہ علاقیاں اچ موجود ہین، ہݨ تئیں سندھ اتے بلوچستان دے 10 اضلاع دا دورہ کیتے جو لوکاں دی لوڑھ اتے امداد دی نوعیت دا جائزہ ڳھنیڄے، یو ایس ایڈ مقامی ساڄھے داراں نال وی کم کریندا پئے۔
