اسلام آباد۔16اکتوبر(اے پی پی) د شنګهائي مرستې تنظيم (اېس سي او) 23مه سرمشريزه غونډه د غړو هېوادونو ترمنځه د پراخې همکارۍ عزم سره د شورو په ورځ پايې ته ورسېده۔ په دې موقع د پاکستان وزیراعظم شهباز شریف د روسیې وزیراعظم میخائل میشوستن ته د كونسل چيئرمېن شپ په ترلاسه کولو مبارکي وركولو سره هغه ته د پاكستان لخوا د بشپړه مرستې باور وركړو۔ ده ووئيل د اېس سي او د حكومتي مشرانو كونسل راروانه غونډه به په 2025 كښی روسيه كښې كيږي۔ وزیراعظم شهباز شریف د اېس سي او سرمشريزې غونډې مشرۍ كولو په مهال په خپلو اختتامي خبرو كښی ووئيل په غونډه كښې غړو هېوادونو د خپلو راتلونكو نسلونو غوره او تلپاتې سباؤن لپاره ګډ عزم څرګند كړو۔ وزيراعظم ووئيل د اېس سي او هدفونو او مقاصدو ترلاسه كولو له د پاكستان لخوا د بشپړ ملاتړ عزم پخلے كوؤ۔ ده ووئيل مونږ له به له خپل مينځه سياسي اختلافاتو نه پرته د شريكو چېلنجونو حل كولو ٬ په ګډه د خپل اولس ګټې ٬ پرمختګ او استحكام لپاره كردار ترسره كول وي۔ په دې موقع وزيراعظم شهباز شريف ووئيل په غزه كښې له روانې نسل كشۍ څخه سترګې پټولې نه شؤ۔ نړيوالې ورورولۍ له به د بربريت مخنيوي له اقدامات كول وي۔ په غزه كښې روان جارحيت يوه الميه ده۔ دغلته فوري او غېر مشروط جنګ بندۍ ته اړتيا ده۔ وزیراعظم ووئيل په منځني ختيز كښې تلپاتي امن لپاره د آزاد فلسطيني رياست جوړېدل ضروري دي كوم چې د كال 1967 څخه په وړاندې پولو مشتمل وي او پلازمينه يۍ القدس الشريف وي۔ د تنظيم غړو هېوادونو مشرانو د ګډې اعلاميې دستاوېزات لاس ليك كړل په كومو كښې چې شريكه اعلاميه او اقتصادي او تجارتي همكارۍ ته د لا ودې وركولو پرېكړو سره سره د اېس سي او د مستقل ادارو تندۍ سره د كار باوري كولو په اړه پرېكړې شامل وې۔ په دې دستوره كښې د اېس سي او غړو هېوادونو مشرانو په كومو كښې چې د چين وزيراعظم لی چیانګ، د بېلاروس وزیر اعظم رومن ګولوو چینکو ، د قازقستان وزیراعظم اولزهاس بیکوتینوو، د روسيه وزیراعظم میخائل مشوستن ، تاجک وزیراعظم کوهر رسول زادہ ، ازبک وزیراعظم اریپوف، د کرغزستان د وزيرانو د كابينې چيئرمېن اکیل بیک جاپاروف ، د ايران د تجارت وزير سید محمد اتابیک او هندي خارجه وزير سبرامنیم جے شنکر ګډون وكړو۔ په غونډه كښې منګوليا د يو مبصر هېواد په توګه برخه واخسته۔ د دې نمائندګي وزیراعظم اويون اردين لويسنامسراي كوله۔ دغسې د تركمانستان د وزيرانو د كابينې نائب چيئرمېن راشد میریدوف هم غونډه كښې ګډون وكړو۔ په غونډه كښې ګډون كوؤنكو نورو معززينو كښې د اېس سي او عمومي سېكتر ژانګ منګ، ډائرېکټر اېګزېکټو کمېټي اېس سی او ریجنل اېنټی ټېررسټ سټرکچر رسلان مرزائیف، د بورډ آف اېس سی او بزنس کونسل چیئرمېن عاطف اکرام شېخ او د کونسل آف ایس سی او انټر بېنک یونین چیئرمېن مارات ییلی بائیف شامل وؤ۔ وزیراعظم د شنګھائي مرستې تنظيم سرمشريزې غونډې كاميابۍ سره پايې ته په رسېدلو ټولو قامي کوآرډینېټرز، پوهانو او د سېكرټرېټ عملې په شمول د ټولو منتظمينو مننه وكړه او دوئي له يۍ مباركي وركړه كومو چې دستاوېزات او نورو انتظاماتو ته حتمي شكل وركولو كښې محنت سره كار وكړو
