اسلام آباد 12 دسمبر (اے پي پي)د دفاع وزارت وئېلي دي پاكستان يوازنے هېواد دے كوم چې افغانستان څخه د فعاله ترهه ګرو تنظيمونو٬فتنه الخوارج او د داعش مقابله كوي٬د ترهه ګرۍ په مهال 90 زره كسان شهيدان شوي٬ 152 ارب ډالره نيغ په نيغه او 450 ارب ډالر بلواسطه مالياتي زيان شوے٬پاك افغان پولو محفوظولو لپاره 2200 كلوميټره سيمه كښې ازغن تار لګولے شوے او 1300 سرحدي قلعې او پوستې جوړې شوي دي۔محمد جاويد خان د پوښتنې په ځواب د دفاع وزارت د اړخه په تحريري توګه ووئېل شول پاكستان د افغانستان څخه د راتلونكو ترهه ګرو دفاع كوي۔په افغانستان كښې د ترهه ګرو لپاره د كاروائيو موقعې زياتې شوي٬دې سره سره د ترهه ګرو لپاره د امريكې او د هغوي پوځي سازوسامان ته رسنه هم زياته شوې۔ قامي اسمبلۍ ته ووئيل شول دغه سامان امريكې په افغانستان كښې پرېښودے ؤ او اوس يې ترهه ګر استعمالوي۔قامي اسمبلۍ ته ووئيل شول د امنيت باوري كولو نه علاوه د ترهه ګرۍ لعنت ختمولو لپاره لرې سيمو كښې هم عمليات كوو۔د ترهه ګرو او د هغوي د سهولت كارو كاروائيو مخ نيوي لپاره او د هغوي نيولو لپاره په استخباراتي معلوماتو اډانه كاروائيو ته پام لرنه كوو۔
