اسلام آباد 17دسمبر (اے پي پي )نائب وزيراعظم او خارجه وزير سېنېټر اسحاق ډار د نهې په ورځ اېشيا كښې د انټرايكشن او باور سازۍ اقدامات(سيكا)7مه وزارتي غونډه كښې ورچوئل ګډون كړے٬دا غونډه د سيكا چيئر د آذربائيجان په كوربتوب كښې شوې۔د خارجه دفتر له مخې په غونډه كښې د سيمه ايزې مرستې زياتېدو٬امن ته ودې وركولو او آسيا كښې د پائيدار پرمختګ مخ په وړاندې بوتللو ته پام لرنه شوې۔نائب وزيراعظم په آسيا كښې شريكې٬جامع٬په مرسته اډانه او د تل پاتې سلامتيا لپاره سيكا وژن لپاره د پاكستان د عزم پخلے وكړو ۔ده د منطقې مهمو چېلنجونو مخ نيوي لپاره د سيكا بې شمېره صلاحيتونه رامخې ته كړل چې پكښې سياسي شخړې او ځايې غربت شامل دے كوم چې د اجتماعي پرمختګ په لار كښې خنډ دے۔د پاكستان بيان يو مهم مركز اقتصادي انضمام او پائيدار پرمختګ ته ودې وركولو لپاره سيمه ايزې رابطې قوي كوي۔نائب وزيراعظم د چين پاكستان اقتصادي راهدارۍ(سي پېك)او بيلټ اينډ روډ انيشي ايټو پشان رابطو اقدامات په مهم كردار زور راوړو چې پكښې شريك پرمختګ ته وده وركول٬ د بنيادي ډهانچې پرمختګ كښې آسانۍ وركول او په ګرده آسيا كښې د تجارت او توان روابط زياتولو كښې مهم كردار ادا كول دي ۔ده ووئيل دا پروژې د سيمه ايزې اقتصادي مرستې او خوشحالۍ لپاره مهم كردار ادا كولې شي۔بيان له مخې پاكستان د سيكا باني غړې دے٬د دې ګڼ اړخيزه فورم مقصد په آسيا كښې امن٬سلامتيا٬استحكام او خوشحالۍ ته ودې وركولو لپاره د خپلو 28 غړو هېوادونو ترمينځه مرسته او باور سازي زياتول دي۔
