بیجنگ ۔ 18 مارچ (اے پی پی) وزیر خارجہ مخدوم شاہ محمود قریشی آکھیے جو پاک چین اقتصادی راہداری دے ڈوجھا مرحلہ شروع تھیونڑ نال پاکستان اچ سماجی اتے اقتصادی ترقی دا نواں دور شروع تھیسی ، پاکستان امن دا خواہشمند ہے اتے خطے اچ سارے ہمسائیاں دے نال پرامن تعلقات دا خواہشمند ہے۔ انہاں ایہ گالھ اپنڑے دورہ چین دوران بیجنگ اچ چائنا انسٹیٹیوٹ فار انٹرنیشنل سٹریٹیجک سٹڈیز (سی آئی آئی ایس ایس) اچ چینی سکالرز نال خطاب کر یندے ہوئیں آکھی۔ انہاں آکھیا جو پاکستان اتے چین نہ صرف جگری یار ہن بلکہ ڈوہائیں ملکاں وچال تعلقات سٹریٹیجک سانجھداری دی بنیاد تے قائم ہن ۔ وزیر خارجہ آکھیا جو پلوامہ واقعہ دے بعد بھارتی جارحیت دا جواب پاکستان حوصلے اتے بردباری نال ڈتا۔پاکستان امن داخواہش مند ہے اتے سارے ہمسائے ملکاں دے نال پرامن تعلقات چاہندے۔ وزیر خارجہ آکھیے جو پاکستان بھارت نال سارے مسئلیاں کوں مذاکرات دے ذریعے حل کرنڑ دا خواہشمند ہے۔ وزیر خارجہ ایں موقع تے انسٹیٹیوٹ فار انٹرنیشنل سٹریٹیجک سٹڈیز دادورہ وی کیتا اتے وزیٹرز بک اچ اپنڑے تاثرات وی لکھے۔
.jpg)
