اسلام آباد ۔ 9 اکتوبر (اے پی پی) وزیر مملکت موسمیاتی تبدیلی زرتاج گل آکھیے جو مولانا فضل الرحمان کوں اسلام توں ودھ اسلام آباد دی فکر اے ، حکومت انہاں دے مارچ اچ رکاوٹ پیدا کائناں کریسی ، ملک دے عوام باشعور ہن او انہاں دے نال کائناں رلسن ، جیں ملک دی دولت لٹی اے اونکوں حساب ڈیونڑاں پوسی ،حکومت اپنڑی رٹ قائم کرنڑ جانڑدی اے ۔اے گال انہاں بدھ کوں اے پی پی نال گال مہاڑ کریندے ہوئیں آکھی اے ۔انہاں آکھیے جو 27 اکتوبر کوں بھارت کشمیر تے غاصبانہ قبضہ کیتا ہئی تے پاکستان اچ اے ڈینھ یوم سیاہ دے طور تے منایا ویندے ، مولانا فضل الرحمان ڈساون جو او ایں ڈینھ اسلام آباد کیا کرنڑ آندے پن۔انہاں آکھیے جو دنیا جانڑدی اے جو مولانا فضل الرحمان پہلی واری بے روز گار تھن تے انہاں کوں اسلام توں ودھ اسلام آباد دی فکر اے اساکوں تشویش سمجھ آندی پئی اے جو او پہلی واری حکومت توں باہر تھن ۔
.jpg)
