راولپنڈی ۔11فروری (اے پی پی):پاکستان ھک ٻیا سنگ میل پار کریندے ہوئیں کروز میزائل بابر دا کامیاب تجربہ کیتے ، ایں میزائل دی رینج 450 کلومیٹر اے جیڑھا جو زمین اتے سمندر توں ہدف کوں کامیابی نال نشانہ بݨا سڳدے ۔ آئی ایس پی آر موجب چیئرمین نیسکام ڈاکٹر رضا ثمر، کمانڈر آرمی سٹریٹجک فورسز کمانڈ لیفٹیننٹ جنرل محمد علی،سٹریٹجک ڈویژن دے سینئر افسراں ، سائنسدان اتے انجنیئرز میزائل تجربے دے موقع تے موجود ہن ۔ چیئرمین نیسکام آرمی سٹریٹجک فورسز دی تربیت اتے آپریشنل تیاریاں دے معیار دی تعریف کیتی تے پاکستان دی سٹریٹجک صلاحیت اچ ودھارے کیتے سائنسداناں تے انجنیئرز دے تعاون دی تعریف کیتی ۔صدر مملکت ڈاکٹرعارف علوی ، وزیراعظم عمران خان ،چیئرمین جوائنٹ چیفس آف سٹاف کمیٹی جنرل ندیم رضا اتے سروسز چیفس کروز میزائل بابر دے کامیاب تجرے تے مبارخ ݙتی اے ۔
.jpg)
