اسلام آباد۔7نومبر (اے پی پی) د سينيټر اعظم نذير تارړ په مشرۍ كښې د 14مې پاکستان۔ اروپائي ائتلاف د شريك كميشن غونډې له د چمتوالي نيولو په اړه مشاورتي غونډه وشوه۔ د پاكستان – اروپائي ائتلاف د شريك كمېشن 14 مه غونډه 19 څخه تر 21 نومبر 2024 په اسلام آباد كښې كيږي۔ سږ كال د غونډې مقصد د پاكستان او اروپائي ائتلاف ترمينځه د شريكې خوښې په څانګو كښې همكاري لا مستحكمول دي په كومه كښې چې جمهوریت، واكمني، بشري حقونه ، اقتصادي پرمختګ او تجارت شامل دے۔ د زيارت په ورځ د بشري حقونو وزارت لخوا د جاري شوي پرېس ريليز له مخې د پاكستان او اروپائي ائتلاف ترمينځه د مرستې لوظنامې لاندې د شريك كمېشن تشكيل د آرټیکل 16 له مخې شوے ؤ كوم چې د يو كلن پلېټ فارم په توګه كار كوي چرته چې دواړه فريق په مهمو څانګو خبرې كوي۔ په دې غونډه كښې دواړو فريقېنو د تېرو غونډو په نتيجو د اډانه لرونكو اقداماتو مخ په وړاندې بوتللو له د خپل عزم پخلے وكړو۔ په غونډه كښې د قانون او بشري حقونو وزير د پاکستان اروپائي ائتلاف سره پياوړې او ګټورو اړيكو ته د ودې وركولو عزم تكرار كړو۔ د غونډې په مهال د پاكستان او اروپائي ائتلاف ترمينځه د همكارۍ په ټولو څانګو خبرې وشوې۔ وفاقی وزیر د پاكستان په اوسنو اقداماتو هم رڼا واچوله د كومو مقصد چې د ګمراه كوؤنكو معلوماتو خپرېدو مخنيوے ٬ د ډیجیټل حقونو تحفظ او د حساس كميونټي حقونه باوري كول دي۔ ده د پاكستان د دې عزم پخلے وكړو چې د نړيوال معيار له مخې به د دې اقداماتو مخ په وړاندې بوتللو له كار كولې شي۔ ده زياته كړه چې د پاكستان د كلتوري او سماجي اقدارو احترام به هم كولې شي۔
