اسلام آباد 15 نومبر (اے پی پی) د كورنيو چارو وفاقی وزیر محسن نقوی سره خپل ترک همڅنګ علی یرلیکایا ملاقات کړې چې پكښې د شريكې خوښې په چارو او پاك ترک اړيكو ته په وده وركولو د خيالاتو څرګندونه وشوه۔ ملاقات كښې په ترکیه كښې د 3 پاکستانی بنديوانو هېواد ته په راستنولو هم خبري اتري وشوې۔ وفاقی وزیر محسن نقوی ووئيل ترکیه سره د ورورولۍ تاريخي اړيكې لرؤ، پاکستان او ترکیه خپلو كښې قوي خپلولي لري۔ ده په ډاګه كړه چې پاك ترکیه اړيكې كوټلې همكارۍ كښې بدليږي۔ د كورنيو چارو وزير محسن نقوی د ترکیه هنڅنګ له د پاكستان دورې كولو بلنه وركړه۔د ترکیه د كورنيو چارو وزير ووئيل پاکستان ورور هېواد دے،ډير زر به د اسلام آباد دوره وكړم۔د ترکیه د كورنيو چارو وزير د پاکستانی بنديوانو هېواد ته په ستنولو كښې د مرستې كولو باور وركړو۔ ده ووئيل پاکستان دې په دې لړ كښې د پوهانو پلاوې ترکیه ته راولېږي، همدردانه جاج به اخستلے شي۔ وفاقی وزیر محسن نقوی په 23 اکتوبر په انقره كښې د ترهه ګرۍ د بريدونو سخته غندنه كولو سره ووئيل ترهګر كوم هم مذهب نه لري، د ترهه ګرۍ ختمول نړيوال چیلنج دے۔ده په دې خبره زور راوړو چې نړۍ د دې ناسور ختمولو لپاره كوټلي اقدامات او شريكي تګلاري ته اړتيا لري۔ د كورنيو چارو وزير محسن نقوی د ساها انټرنیشنل ایکسپو په انتظاماتو او ميلمستيا كولو د ترکیه د كورنيو چارو وزير مننه وكړه۔
