اسلام آباد۔7جنوری(اے پی پی) وزیراعظم شهباز شریف د متحدہ عرب امارات صدر سره اوسنے ملاقات زيات ګټور ګرځولو سره وئيلي دي د متحدہ عرب امارات د پاكستان لخوا د 2 اربه امريكائي ډالر ادائيګي كومه چې د روان كال جنورۍ مياشت كښې واجب الادا وه ٬ مؤخر كولو پرېكړه كړې كومه چې زمونږ معيشت لپاره زياته خوشبينه ده۔ د نهې په ورځ د وزيراعظم آفس پرېس ونګ لخوا د جاري شوي بيان له مخې د وزيراعظم شهباز شريف په مشرۍ كښې د وفاقي كابينې غونډه وشوه۔ غونډې ته خطاب كښې وزيراعظم په دې وروستيو كښې په رحيم يار خان كښې د متحده عرب امارات صدر اېم زېد النهيان سره د شوي ملاقات ذكر كولو كښې ووئيل متحدہ عرب امارات د پاكستان لخوا د 2 اربه امريكائي ډالر ادائيګي كومه چې د روان كال جنورۍ مياشت كښې واجب الادا وه ٬ مؤخر كولو پرېكړه كړې ده كومه چې زمونږ معيشت لپاره زياته خوشبينه ده۔ ده ووئيل د يو اے اي صدر په پاكستان كښې د سرمايه كارۍ په اړه د خپل عزم پخلے كړے۔ وفاقی کابینې د ریونیو ډویژن په سپارښتنه د فېډرل بورډ آف ریونیو انفراسټرکچر د پریوینشن آف الېکټرانک کرائمز اېکټ (پیکا) 2016 لاندې کریټیکل انفراسټرکچر ګرځولو منظوري وركړه٬ د دې اقدام مقصد د فېډرل بورډ آف ریونیو زياته حساس ډېټا د سائبر بريدونو لكه هېكنګ او د كومې هم غېر قانوني لاس وهنې څخه ساتل دي۔ دې اقدام سره به د اېف بي آر حساس ډېټا لا خوندي كولو له مرسته ترلاسه شي۔ وفاقی کابینې د هوا بازۍ ډویژن په سپارښتنه د فلائی دبئی لاهور او اسلام آباد څخه دبئی او دبئی څخه لاهور او اسلام آباد ته د پروازونو د اوونيزې فریکوئینسیز عارضي اجازت نامه كښې 4 جنوري 2025 څخه تر 3 فروري 2025 د پراختيا كولو منظوري وركړه۔ وفاقی کابینې ته د سمندري چارو وزارت لخوا مارچ 2024 څخه تر دې دمه د پبلك سېكټر درآمدات او برآمدات په اړه بريفنګ هم وركړے شو۔ وزیراعظم هدایت وكړو چې د ټولو اړوندو وزارتونو رپورټس دې د بريفنګ برخه ګرځولو يو ټول شموله رپورټ وړاند كړے شي۔ وزيراعظم هدايت وكړو چې په درآمدات او برآمدات كښې دې له كوم تخصيص پرته د پبلك سېكټر ټول درآمدات او برآمدات 60 فيصده د ګوادر بندر ځاے څخه شروع كرے شي۔ وفاقي كابينې ته د انفارمېشن او ټېلي كميونيكېشن لخوا په وفاقي وزارتونو او ډويژنز كښې د ای-آفس عملي كولو په پېشرفت هم بريفنګ وركړے شو۔ غونډې ته ووئيل شول د كال 2025 د جنورۍ اولنې نېټې څخه د ټولو وزارتونو او ډويژنز ترمينځه رابطې لپاره د كاغذ استعمال پرېښودلې شوے او ټول فائلز موومنټ او نور خط وكتابت لپاره يوازې اي آفس كارولې شي۔ غونډې ته ووئيل شول په 21 وزارتونو/ډویژنز كښې د اي – آفس 100 فيصد عملي كړے شوے۔ دې سره به نه يوازې دا چې وخت بچت شي بلكې د سټېشنرۍ او پټرول په مد كښې به قامي خزانې ته زياته ګټه ورسي۔ د اي آفس عملي كېدو سره د سمرۍ پراسېنګ دورانيه اوس زياتو نه زياته تر درېو ورځو محيط شوې د۔ وفاقی کابینې د کابینه ډویژن په سپارښتنه سکولونو او كالجونو لپاره د ری فربشډ کروم بکس اغستلو/ ترلاسه كولو ته د پبلک پروکیورمنټ رېګولېټری اتھارټی آرډیننس سېکشن 21 اے لاندې استثنی وركړه۔ وزیراعظم هدایت وكړو چې د دې كروم بكس د اغستو دې تھرډ پارټي څخه آډټ لازمي وكړے شي۔ وفاقي كابينې د سرمايه كاري بورډ او شېنډونګ روئي ګروپ چائنه ترمينځه د ټېکسټائل پارکس جوړولو له د مرستې مفاهمتي يادښت د لاس ليك كولو منظوري هم وركړه۔ دغسې وفاقی کابینې د خارجه وزارت په سپارښتنه د ډپلومېټک اکېډمی ، وزارت خارجه جمهوریه سربیا او فارن سروس اکېډمی، وزارت خارجه اسلامی جمهوریه پاکستان ترمينځه د تفاهم يادښت د لاس ليك كولو منظوري هم وركړه۔ دغسې وفاقي کابینې ته د پرائيوېټ حج آپرېټرز كورټ كېسز سفارشات وړاندې كړے شول۔ کمېټی سپارښتنه وكړه چې د حج 2025 انتظامات به موجودہ 46 منظمین كوي۔ كمېټۍ سپارښتنه وكړه چې راتلونكو كلونو لپاره دې نوې حج پالېسي جوړه كړې شي۔ وفاقي كابينې د ذكر شوې كمېټۍ د سپارښتنې منظوري وركړې۔ کابینې هدايت وكړو چې د پرائیوېټ حج آپرېټرز په اړه دې ټول كورټ كېسونه منطقي انجام ته رسولو له اقدامات وكړے شي۔ دغسې وفاقي کابينې د لېجسلېټو كېسونو د كابينه كمېټۍ د 31 دسمبر 2024 او 01 جنوري 2025 په غونډه كښې د شوو پرېكړو توثيق هم وكړو۔
