اسلام آباد۔21 اکتوبر(اے پی پی) نائب وزيراعظم او خارجه وزير سېنېټر اسحاق ډار به 21 څخه تر 26 اكتوبر په ساموا كښې كېدونكې د دولت مشتركه سرمشريزه غونډه كښې د پاكستاني پلاوي مشري كوي۔ د خارجه دفتر وياندې لخوا د ګل په ورځ د جاري شوي بيان له مخې نائب وزیراعظم به د دولت مشتركه په غونډه كښې په مهمو نړيوالو مسئلو د پاكستان نقطه نظر وړاندے كوي او موسمياتي بدلون ٬ اقتصادي پرمختګ او د دولت مشتركه په ورورولۍ كښې د نړيوالې همكارۍ مضبوطولو پلو د پام ګرځولو په حاجت به زور راوړي۔ اسحاق ډار به په کامن وېلتھ بزنس فورم كښې ”ٹرانسفارمنګ آوور ورک فورس“ كښې خپل مهم خطاب كښې د ځوانانو خپلواكۍ ٬ د هنر ترقۍ او ډيجيټل بدلون له د پاكستان كردار په ډاګه كړي۔ نائب وزیراعظم به د دولت مشتركه د غړو پلاويو مشرانو سره هم ملاقاتونه كوي۔ د بيان له مخې د دولت مشترکه د كال 2024 سرمشريزه غونډه كښې د پاكستان ګډون دولت مشتركه سره د دې د پرله پسې تړون او د پېسفک جزائر هېوادونو سره د اړيكو عكاسي كوي۔
