اسلام آباد۔24نومبر(اے پی پی) د پي پي پي چېئرمین بلاول بھټو زرداری د خېبر پښتونخوا په كرم ضلع كښې د امن په ناوړه كېدونكي صورتحال د ژورې اندېښنې څرګندونه كولو سره دغلته د وګړو د ځان او مال په فوري توګه د محفوظ كولو په حاجت زور راوړے دے۔ د بلاول هاؤس میډیا سېل لخوا د جاري شوي بيان پرېس ريليز له مخې د پي پي پي چيئرمېن ووئيل يو اړخ ته د ناامنۍ په اور كښې كرم ضلعه سوزي او بل اړخ ته د خېبر پښتونخوا حكومت د پېښې ځاے څه غائب دے۔ ده ووئيل خلك په خپلو كورونو كښې هم محفوظ نه دي۔ بلاول بھټو ووئيل امن په ځاے ساتل د صوبائي حكومت بنيادي ذمه واري ده خو د پي ټي آئي په مشرۍ كښې صوبائي حكومت د وګړو د ځان او مال په تحفظ كښې ناكامه پاتے شوے دے۔ ده ووئيل مونږ خېبر پښتونخوا د لاقانونيت په شعلو كښې سوزېدونكې ليدلو سره غلې پاتې كېدې نه شوو۔ پي پي پي به نه يوازې په كرم بلكې په ګرده خېبر پښتونخوا صوبه كښې امن باوري كولو له به خپل كردار ترسره كوي۔ بلاول بھټو د خېبر پښتونخوا ګورنر فېصل کریم کنډی ته د كرم ضلعې په صورتحال د بشپړ رپورټ وړاندې كولو هدايت هم وكړو۔
