جدہ ۔28 دسمبر(اے پی پی) د سعودي عربستان د اسلامي چارو ٬ دعوت او لارښوونې وزارت د پاكستان د مذهبي چارو وزارت سره د مفاهمت يو يادښت لاس ليك كړے دے۔ د وزارت په اېكس اكاؤنټ د جاري شوي پوسټ له مخې په دې موقعه د اسلامي چارو وزير ډاکټر عبداللطیف بن عبدالعزیزآل شېخ هم موجود ؤ۔ د تفاهم يادښت د اسلامي چارو وزارت انډر سېکرټری ډاکټرعواد بن سبتی العنزی او د پاکستانی وزارت انډر سېکرټری ذوالفقار حېدر لاس ليك كړو۔ د لوظنامې مقصد د وکالت، د قرآن پاک اشاعت او ترجمې ، د مبلغینو او امامانو د تربيې او د جوماتونو د تعمير او ددې خيال ساتلو په څانګو كښې مرسته زياتول دي۔ د اسلامی ورثې بحالۍ او د اسلامی علومو اشاعت سره سره په اسلامي كنفرنسونو او سيمينارونو كښې به د علماﺀ كرامو د ګډون ډاډګيرنه كولې شي۔ دا اقدام د اسلام او مسلمانانو خدماتو لپاره د مملكت كردار په ډاګه كوي۔
