اسلام آباد۔25نومبر(اے پی پی) د مواصلات ٬نجكارۍ او سرمايه كارۍ بورډ وفاقي وزير عبد العليم خان وئيلي دي د آذربائیجان نه پس تر ماسكو او بېلاروس هم پاكستان څخه د نيغ په نيغه پروازونو په پيل كولو كار روان دے ٬ تر چین، افغانستان، سېنټرل اېشیا او بېلاروس تجارتي كورېډور هم د پاكستان په ترجيحات كښې شامل دے۔ د دې خيالاتو څرګندونه ده د ګل په ورځ د بېلاروس د ټرانسپورټ وزير الېګزسی لیخنووچ سره د ملاقات او شريكې غونډې په مهال خپلو خبرو كښې وكړه۔ د ټرانسپورټ وزير الېګزسی لیخنووچ وفاقي وزير عبد العليم خان ته د خپل هېواد دورې كولو بلنه وركولو سره ووئيل هغه پاكستان سره د رېلوے او سړك د لارې تړون زياتول غواړي۔ ده خپله دوره په زړه پورې ګرځولو سره پاكستاني اولس لپاره د خېر سګالۍ جذبې څرګندونه وكړه او د بېلاروس لخوا يۍ د هرې ممكن مرستې باور وركړو۔ په دې موقع خپلو خبرو كښې وفاقي وزير ووئيل د بېلاروس په صدر او وزيرانو د مشتمل 68 كسيز پلاوي د پاكستان دوره خوشبينه ده٬ مونږ په سباؤن كښې بېلاروس سره جي ټو جي فعاليتونه زياتول غواړؤ او دې لپاره به دواړه هېوادونه جدي هڅې كوي۔ ده ووئيل د آذربائیجان او تركيه په څير بېلاروس هم په سرمايه كارۍ كښې خپل شراكتدار جوړول غواړؤ۔ ده ووئيل د مواصلات څانګه زياته مهمه ده۔ ده ووئيل د شاهراه قراقرم او سي پيك په څير مينځنۍ آسيا ته تجارتي راهداري رسولو له خوښي لرؤ۔ په غونډه كښې د پاكستان د مواصلات په څانګو كښې د ځنډولے شوو بېلو موټروېز او سترو لارو په جوړولو خبرې وشوې او د دواړو لخوا په دې لړ كښې د اقدامات په روانو ساتلو صلاح هم يوه شوه۔
