سوات 14 دسمبر (اے پي پي) کشمير او ګلګت بلتستان چارو او سيفران وفاقي وزير انجينئر امير مقام سره په سنګوټه سوات كښې په مسلم ليګ (ن) هاؤس كښې بېل اولسي پلاويو او ځائې لارښودو وليدل۔ اولسي پلاويو وفاقي وزير د خپلو مسئلو او ستونزو څخه خبر كړو۔ وفاقي وزير انجينئر امير مقام د پلاويو مسئلې په غور سره واوريدلې او د هغې سمدستي حل له ئې اړوندو چارواكو ته واضح هدايات جاري کړل۔ وفاقي وزير انجينئر امير مقام ووئيل د اولسي مسئلو حل ته د مسلم ليګ (ن) حکومت پام لرنه كوي او اولسي خدمت مشن به په هر حال كښې روان ساتلے شي۔ده باور وركړو چې د مسئلو حل لپاره به هر ممكن مسرته كولې شي او حکومتي وسائل به د اولس آسانيو لپاره كارولې شي۔
