اسلام آباد۔25جولائی(اے پی پی) وزیراعظم محمد شہبازشریف آکھیے ڈنمارک اچ عراقی سفارت خانے دے سامݨے قرآن پاک دی بے حرمتی دے اڄوکے واقعہ تے پوری دنیا دے مسلمان کاوڑ اچ ہن ۔ منڳل کوں آپݨے ٹویٹ اچ وزیراعظم آکھیے اساں پاکستانی ایں واقعہ تے ٻہوں ݙکھ تے تکلیف اچ ہن ۔ انہاں مکروہ اتے شیطانی واقعات دا ول ول ہووݨ بین المذاہب تعلقات کوں مجروح کرݨ ، امن اتے ہم آہنگی کوں ضیان پڄاوݨ تے مذہبی منافرت اتے اسلامو فوبیا کوں ودھارا ݙیوݨ دے مذموم عزائم رکھیندے ۔ انہاں حکومتاں تے خاص طورتے مذہبی رہنماواں توں مطالبہ کیتے جو او ایجھے طریقے ختم کرن ۔ وزیراعظم شہباز شریف آکھیے آؤ اساں انہاں تھوڑے جیہے شرارتی لوکاں کوں ارباں لوکاں دے دل نہ ݙکھاوݨ ݙیوں تے انہاں دے انہاں تے مذموم ایجنڈے تے عمل نہ کرݨ ݙیوں ۔
