اسلام آباد 25 اکتوبر(اے پی پی)د قومي اسمبلۍ سپيكر سردار اياز صادق په ډېره اسماعيل خان كښې د امنيتي ځواكونو په چيك پوسته د خوارجو د بريدونو سختو ټكو كښې غندنه كولو سره ددې نتيجه كښې د اېف سي 10 بهادر ځوانانو په ځاني زيان د غم دړد او افسوس څرګندونه كړې۔د جمعې په ورځ د غندنېې په بيان كښې ده په افسوس ناكه پېښه كښې شهيد شويو شهيدانو ته د عقيدت پېرزوينه وړاندې كولو سره ووئېل چې په شهيدانو قوم وياړ لري او د هغوي خوږ هېواد دفاع لپاره وركړې شوې قربانۍ به تل ياد ساتلې شي۔ده د شهيدانو كورنيو سره د غمرازۍ او يو والي څرګندونه كولو سره وئېلي دي چې په دې سخت وخت كښې مونږ د شهيدانو كورنيو په غم كښې برابر شريك يؤ۔ سپيكر سردار اياز صادق ووئېل چې ترهه ګر عناصر به كله هم په خپل ناوړه ارادو كښې كامياب نه شي۔ ده ووئيل چې ټول قوم د ترهه ګرۍ خاتمې لپاره يو موټې دې او د خپلو امنيتي ادارو سره اوږه په اوږه ولاړ دے۔سپيكر دعا وكړه چې لوے څښتن دې شهيدانو له د خپل رحم په پلو كښې ځاې او غم جنو كورنيو له د زغم توفيق وركړي۔
