اسلام آباد ۔ 27 اگست (اے پی پی) وزیراعظم محمد نوازشریف بھارتی مقبوضہ کشمیر اچ وحشیانہ مظالم اتے انسانی حقوق دیاں شدید خلاف ورزیاں کوں دنیا دے کلیدی حصیاں اچ اجاگر کرنڑسانگے 22 ارکان پارلیمان کوں خصوصی نمائندیاں دی حیثیت نال نامزد کرڈتے ۔ وزیراعظم آکھے جو کشمیر دا مقدمہ لڑنڑسانگے انہاں پارلیمان دے رکناں کوں دنیا دے مختلف حصیاں اچ بھیجنڑدا فیصلہ کیتے۔ انہاں آکھیا جو اے خصوصی نمائندے پاکستان دے لوکیں دی طاقت اتے لائن آف کنٹرول دے آر پار کشمیریاں دیاں دعاواں گھدیاں ہویاں ہن ۔ اے پارلیمنٹ دے مینڈیٹ اتے حکومت دی حمایت د ے وی حامل ہن ۔ وزیراعظم نوازشریف آکھیا جو او ساری دنیااچ کشمیر کاز کوں اجاگر کرنڑکیتے انہاں دیاں بھرپور کوششاں اچ خصوصی نمائندیاں دے پچھوں کھڑے ہن تانجو آندے ستمبر اچ اقوام متحدہ اچ آپنڑیں خطاب اچ بین الاقوامی برادری دے اجتماعی ضمیر کوں جھنجوڑ سگن۔ وزیراعظم آکھیا جواساں اقوام متحدہ کوں کشمیریاں دے حق خودارادیت دا پرانڑاں وعدہ یاد ڈیویسوں۔ اساں بھارت کوں یاد کرویسوں جو اے بھارت ہئی جیئں تنازعہ کشمیر تے کئی ڈھاکے پہلے اقوام متحدہ نال رابطہ کیتاہئی جڈانجو او آپنڑاں وعدہ پورا نہیں کریندا پیا۔ انہاں ایں گالھ تے زور ڈتا جو اقوام متحدہ دا اے سالانہ ایونٹ ادارے کوں عمل دی ترغیب ڈیونڑ اچ معاون تھی سگدے ۔ بھارتی وحشیانہ مظالم کوں اجاگر کرنڑ اتے دنیا دے مختلف ملکاں ا چ کشمیر کاز کیتے لابی کرنڑ سانگے وزیراعظم دے نمائندہ خصوصی دی حیثیت نال نامزد کیتے ونجنڑآلے پارلیمان دے رکناں اچ بیلجیئم (برسلز) کیتے اعجاز الحق اتے ملک عزیر، چین (بیجنگ) کیتے خسرو بختیار اتے عالم داد لالیکا، فرانس (پیرس) عائشہ رضا فاروق اتے رانا محمد افضل خان، روسی فیڈریشن (ماسکو) کیتے رضا حیات ہراج، جنید انور چوہدری اتے نواب علی وسان، سعودی عرب (ریاض، جدہ) کیتے مولانا فضل الرحمن، میجر (ر) طاہر اقبال اتے محمد افضل کھوکھر، ترکی (انقرہ) کیتے محسن شاہ نواز رانجھا اتے ملک پرویز، برطانیہ (لندن) کیتے لیفٹیننٹ جنرل (ر) عبدالقیوم اتے قیصر شیخ، امریکا (واشنگٹن ڈی سی) اتے اقوام متحدہ (نیویارک)کیتے مشاہد حسین سید اتے شذرہ منصب علی، اقوام متحدہ (جنیوا) کیتے اویس لغاری اتے جنوبی افریقہ (پریٹوریا) کیتے عبدالرحمن کانجو شامل ہن ۔
.jpg)