اسلام آباد ۔ 4 ستمبر (اے پی پی) وفاقی وزیر اطلاعات و نشریات فواد چوہدری آکھے جو حکومت آپ دے شروع دے 9ڈینھ اچ تاریخی کم کیتے ہن ، اکنامک ایڈوائزری کونسل تشکیل ڈتی گئی ، ریاستی میڈیا اُتے پابندی ختم کیتی گئی ہے ، جڈانجو ”پاکستان کیتے بوٹا لوﺅ “ مہم دے تحت سارے ملک اچ ہک ڈینھ اچ 15 لکھ بوٹے لائے گن ۔ منگل کوں پارلیمنٹ ہاﺅس دے باہر میڈیا نال الیندے ہوئیں اتے اے پی پی نال خصوصی گالھ مہاڑ کریندے ہوئیں وفاقی وزیر آکھیا جو اقتدار دی منتقلی دا اہم مرحلہ پورا تھیونڑ اُتے پاکستان دے عوام کوں مبارخ ڈینداں ، وفاقی وزیر آکھے جو بہوں تکھے حکومت ولوں معیشت دے استحکام دے حوالے نال وی عملی اقدامات نظر امسن ۔ صدارتی انتخابات دے حوالے نال انہاں آکھیا جو پاکستان تحریک انصاف دے نامزد امیدوار ڈاکٹر عارف علوی بھاری اکثریت نال صدر منتخب تھیسن ۔ انہاں آکھیا جو اپوزیشن وی صدارتی انتخاب دے حوالے نال چنگا کردار ادا کیتے ۔ صدارتی انتخاب اچ حصہ گھننڑ کیتے آپنڑیں آپنڑیں امیدوار کھڑے کیتے ہن ۔ اے آکھنڑ درست کائنی جو اپوزیشن اتحاد تحریک انصاف کو ں فیدہ پجاونڑ کیتے ترٹ گئے ، اے منفی سوچ ہے ۔ پیپلز پارٹی ہک چنگے امیدوار اعتزاز احسن کوں نامزد کیتے اتے مسلم لیگ (ن) وی امیدوار گھن آئی ۔
.jpg)