غذر 06 نومبر(اے پي پي )وزيراعظم محمد شهباز شريف سېلاب ځپليو لپاره د غذر په بوبر ماډل ويلج كښې ټولې ضروري آسانيو وركولو له سپارښتنه كړې۔د ګلګت بلتستان غذر ضلعې په بوبر كلي كښې د كال 2022 سېلاب له امله د تباه شوې ودانۍ په ځاے د نوې ماډل ويلج پرانستې او ځپليو ته د نوو جوړو كړو كورونو ملكيتي كاغذات وركولو دستورې ته خطاب كولو په مهال وزيراعظم ووئيل په اګست 2022 كښې راغلے ووم چرته چې هر پلو د سېلاب نه پس تباهۍي تر نظره راتله۔د موسمياتي بدلونونو په نتيجه كښې تباهي كونكې سېلاب او بارانونو ټول كلے ويجاړ كړے ؤ ۔نن دلته نوې كلي آباد كړے شوے۔ځپليو كورنيو ته د دوي د كورنو ملكيتي كاغذونه وركړی شوي۔وزيراعظم د ځپليو بحالۍ٬آبادكارۍ او بيا رغونې په كارونو اړوند ادارو او چارواكو ته شاباشے وركړو او هدايت يې وكړو چې نوې جوړې كړې شوې ودانۍ د يخښنۍ موسم كښې د اوسېدو جوګه كولو انتظام وكړئ ۔ د ماډل ويلج معيار له د تحقيق نه غېر دې كومې درېمې ډلې څخه د توثيق كولو په صورت ادائيګي وكړی شي او سكول٬ډسپنسري او د لوبو مېدان پشمول ټول ضروري آسانۍ دې وركړی شي۔وزيراعظم په ډسپنسرۍ كښې الټراساؤنډ٬ايكسرے او د مور ماشوم پشمول د ټولو ضروري آسانيو سمدستي وركولو هم هدايت وكړو ۔وزيراعظم ووئيل ما د سېلاب ځپلې ماشومې قنديل لپاره د 50 لكه روپو انډوومنټ فنډ اعلان كړے ؤ ٬نن هغه فنډ 67 لكه ته رسېدلے دے۔وزيراعظم ځپليو ته د كورونو الاټمنټ ليټرز هم وركړل۔د دې څخه وړاندې وزيراعظم د بوبر ماډل ويلج پرانسته وكړه۔په دې موقع وزيراعظم ته په نوو جوړو شوو ودانو كښې د وركړی كېدونكو آسانيو او معيار په اړه بريفنګ وركړے شو۔دا ماډل ويلج په 110 كنال زمكه جوړ كړے شوے چې پكښې 62 كورونه جوړ دي۔وزيراعظم ته ووئيل شول 216 كلوميټر ګلګت شندور ستره لاره هم جوړېږي۔ په دې مهال وزيراعظم په دې پروژه د كار رفتار تندولو هدايت وكړو ۔د دې څخه وړاندې د ګلګت بلتستان وزيراعلٰی حاجي دلبر خان په سخت او د ازمېښت په وخت د ګلګت بلتستان اولس په مرسته كولو د وزيراعظم شهباز شريف او وفاقي حكومت مننه وكړه۔په دې موقع وفاقي وزيران او د اسمبلۍ غړي هم موجود وو۔
