اسلام آباد 10 دسمبر (اے پي پي) وزیراعظم محمد شهباز شریف وئيلي دي قام به د هېواد د بقا لپاره د خپلو ځانونو قربانۍ وركوونكو عظیمو شهيدانو قربانۍ چري هم هيرې نه كړي۔د نهي په ورځ د سوار محمد حسین شهید نشان حیدر 53مي شهادت په ورځ هغه ته پيرزوئنې وړاندې كولو سره وزیراعظم ووئيل سوار محمد حسین شهید نشان حیدر د 1971 په جنګ كښې د مړانې مظاهره کړې او د دښمن 16 ټینکونه تباه کولو كښې يې په زړه پورې كردار ترسره كړے ؤ ۔ وزیراعظم ووئيل سوار محمد حسین شهید نشان حیدر په خپله پیشه وره عسکري پوهه د دښمن د طاقت نشه او د عددي برترۍ غرور ناكامه کړے ؤ او د بهادرۍ په مثال جوړولو يې د هېواد په خاطر د خپل ځان قرباني وركړې ۔ده ووئيل د سوار محمد حسین شهید د هېواد حفاظت لپاره غیر متزلزل عزم د راروانو نسلونو لپاره د تقلید وړ مثال دے۔زما پشمول ټول قام د خپلو شهيدانو او د هغوي په كورنيو وياړ لري۔ وزیراعظم محمد شهباز شریف ووئيل قام به د هېواد بقا لپاره د خپلو ځانونو قربانۍ وركوونكو د عظیمو شهيدانو قربانۍ چري هم هيرې نه كړي۔
